«Қазақстан Республикасы Президентінің кейбір жарлықтарына өзгерістер енгізу туралы» Қазақстан Республикасы Президентінің 2013 жылғы 22 наурыздағы № 526 Жарлығы (2015.29.12. берілген өзгерістермен)

Қазақстан Республикасы Президентінің
Жарлығы

Қазақстан Республикасы Президентінің кейбір жарлықтарына өзгерістер енгізу туралы

(2015.29.12. берілген өзгерістермен)

Қаулы етемін:

1. Қазақстан Республикасы Президентінің мынадай жарлықтарына өзгерістер енгізілсін:

1) ҚР Президентінің 2015.29.12. № 152 Жарлығымен күші жойылды (2016 жылғы 1 қаңтардан бастап қолданысқа енгізілді) (бұр.ред.қара)

2) «Қазақстан Республикасы Президентінің кейбір жарлықтарына өзгерістер мен толықтырулар енгізу туралы» Қазақстан Республикасы Президентінің 2012 жылғы 16 қарашадағы № 435 Жарлығына:

жоғарыда аталған Жарлықпен бекітілген Қазақстан Республикасы Президентінің кейбір жарлықтарына енгізілетін өзгерістер мен толықтыруларда:

3-тармақ алып тасталсын.

2. Қазақстан Республикасының Үкіметі мен мемлекеттік органдар осы Жарлықтан туындайтын өзге де шараларды қабылдасын.

3. Осы Жарлықтың орындалуын бақылау Қазақстан Республикасы Президентiнiң Әкiмшiлiгiне жүктелсiн.

4. Осы Жарлық 2013 жылғы 26 наурыздан бастап қолданысқа енгізіледі.

Астана, Ақорда, 2013 жылғы наурыздың 22-і.

№ 526

Қазақстан Республикасы

Президентінің 2013 жылғы 22 наурыздағы

№ 526 Жарлығына

қосымша

Қазақстан Республикасы

Президентінің 2000 жылғы 10 наурыздағы

№ 357 Жарлығымен

бекітілген

Мемлекеттік қызмет өткеру тәртібі туралы

ереже

Осы Ереже мемлекеттік саяси және әкімшілік қызметшілердің мемлекеттік қызмет өткеру мәселелерін регламенттейді.

1-бөлім
Мемлекеттік саяси қызметшілердің мемлекеттік қызмет өткеруі

1. Мемлекеттік саяси қызметшілерге қойылатын талаптар

1. Мемлекеттік саяси лауазымға орналасу азаматтар арнайы тексеруден, сондай-ақ Қазақстан Республикасының заңнамасында көзделген жағдайларда келісуден өту шартымен жүзеге асырылады.

2. Мемлекеттік саяси қызметшілердің негізгі функциялары және олардың қызметін ұйымдастыру

2. Мемлекеттік саяси қызметшінің функционалдық міндеттері Қазақстан Республикасының заңнамалық актілерімен, Қазақстан Республикасы Президентінің актілерімен, осы Ережемен, тиісті мемлекеттік орган туралы ережемен және міндеттер бөлінісімен айқындалады.