(БҰРЫНҒЫ РЕДАКЦИЯ) ҚР ҮКІМЕТІНІҢ 2011.29.01 № 41 ҚАУЛЫСЫ

Қазақстан Республикасының денсаулық сақтау саласын дамытудың 2011 - 2015 жылдарға арналған
«Саламатты Қазақстан» мемлекеттік бағдарламасын іске асыру жөніңдегі іс-шаралар жоспарын бекіту туралы
Қазақстан Республикасы Үкіметінің 2011 жылғы 29 қаңтардағы № 41 Қаулысы

Осы редакция 2011 жылғы 18 қазанда енгізілген өзгерістеріне дейін қолданылды

«Қазақстан Республикасының денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасын бекіту туралы» Қазақстан Республикасы Президентінің 2010 жылғы 29 қарашадағы № 1113 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған Қазақстан Республикасының денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасын іске асыру жөніңдегі іс-шаралар жоспары (бұдан әрі - іс-шаралар жоспары) бекітілсін.

2. Орталық және жергілікті атқарушы органдар, сондай-ақ мемлекеттік органдар:

1) Іс-шаралар жоспарының уақтылы орындалуын қамтамасыз етсін;

2) жартыжылдықтың қорытындысы бойынша жылына екі рет 10 қаңтарға және 10 шілдеге Қазақстан Республикасы Денсаулық сақтау министрлігіне іс-шаралар жоспарының іске асырылуы туралы ақпарат берсін.

3. Қазақстан Республикасы Денсаулық сақтау министрлігі жартыжылдықтың қорытындысы бойынша жылына екі рет 1 ақпанға және 1 тамызға Қазақстан Республикасының Үкіметіне Іс-шаралар жоспарының орындалу барысы туралы жиынтық ақпарат берсін.

4. Мыңалардың күші жойылды деп танылсын:

1) «Қазақстан Республнкасында ЖҚТБ-ның індетіне қарсы іс-әрекет жөніңдегі мемлекеттік саясаттың тұжырымдамасы туралы» Қазақстан Республикасы Үкіметінің 2000 жылғы 5 желтоқсандағы № 1808 қаулысы (Қазақстан Республикасының ПҮАЖ-ы, 2000 ж., № 54, 595-құжат);

2) «Қазақстан Республикасында денсаулық сақтау жүйесін қаржыландыруды жетілдіру тұжырымдамасы туралы» Қазақстан Республикасы Үкіметінің 2002 жылғы 13 шілдедегі № 773 қаулысы (Қазақстан Республикасының ПҮАЖ-ы, 2002 ж., № 22, 236-құжат).