(БҰРЫНҒЫ РЕДАКЦИЯ) ҚР ҮКІМЕТІНІҢ 2009.29.12№ 2223 ҚАУЛЫСЫМЕН БЕКІТІЛГЕН

Қазақстан Республикасы Үкіметінің

2009 жылғы 29 желтоқсандағы

№ 2223 қаулысымен бекітілген

Осы редакция 2011 жылғы 22 шілдеде енгізілген өзгерістеріне дейін қолданылды

 «Адамдарға әскери қызмет өткергенін растау туралы анықтамалар беру»
мемлекеттік қызмет көрсету стандарты

1. Жалпы ережелер

1. Осы «Адамдарға әскери қызмет өткергенін растау туралы анықтамалар беру» стандарты (бұдан әрі - Стандарт) әскери қызмет өткергенін растау туралы анықтамалар алу тәртібін айқындайды.

2. Көрсетілетін мемлекеттік қызметтің нысаны: автоматтандырылмаған.

3. Мемлекеттік қызмет Қазақстан Республикасы Үкіметінің 2005 жылғы 12 желтоқсандағы № 1232 (ҚБПҮ) қаулысымен, Жеке және заңды тұлғаларға көрсетілетін мемлекеттік қызметтердің тізілімін бекіту туралы Қазақстан Республикасы Үкіметінің 2007 жылғы 30 маусымдағы № 561 қаулысымен бекітілген Қазақстан Республикасының жергілікті әскери басқару органдары туралы ереженің 9-тармағы 29) тармақшасының және «Қазақстан Республикасы Әділет министрлігінің мемлекеттік мекемелерін - халыққа қызмет көрсету орталықтарын құру туралы» Қазақстан Республикасы Үкіметінің 2007 жылғы 5 қаңтардағы № 1 қаулысының негізінде жүзеге асырылады.

4. Мемлекеттік қызмет жергілікті әскери басқару органдары (бұдан әрі - ЖӘБО), сондай-ақ баламалы негізде Халыққа қызмет көрсету орталықтары (бұдан әрі - Орталық) арқылы көрсетіледі. ЖӘБО мен Орталықтардың тізбесі осы Стандартқа 2, 3-қосымшаларда көрсетілген.

5. Өтініш беруші алатын көрсетілетін мемлекеттік қызметтің аяқталу нысаны әскери қызмет өткергенін растау туралы анықтама беру болып табылады.

6. Мемлекеттік қызмет жеке тұлғаларға көрсетіледі.

7. Мемлекеттік қызмет көрсету кезінде уақыт бойынша шектеу мерзімдері:

ЖӘБО-ға өтініш білдірген кезде:

1) құжаттарды ресімдеу мерзімі 1 жұмыс күні.

Анықтама беру үшін ақпарат және қажетті мәліметтер болмаған кезде мерзімі 1 айға дейін ұзартылады. ЖӘБО сұралған ақпаратты растау үшін одан әрі сұрау салушыға мерзімінің ұзартылғаны туралы хабарлай отырып, тиісті органдарға сұрау жолдайды.