(БҰРЫНҒЫ РЕДАКЦИЯ)ҚР ҮКІМЕТІНІҢ 1996 Ж. 25 МАУСЫМДАҒЫ № 790 ҚАУЛЫСЫ

Республикалық мемлекеттік кәсiпорындардың тiзбесi туралы
Қазақстан Республикасы Үкіметінiң 1996 ж. 25 маусымдағы № 790 қаулысы

(2011.11.03. берілген өзгерістер мен толықтырулармен)

Осы редакция 2011 жылғы 19 мамырда енгізілген өзгерістеріне дейін қолданылды

Өзгеріс енгізу туралы ҚР Үкіметінің 2011.02.02. № 72 Қаулысын қараңыз (2011 жылғы 1 шілдеден бастап қолданысқа енгізіледі)

«Мемлекеттік кәсiпорын туралы» Қазақстан Республикасы Президентінің 1995 жылғы 19 маусымдағы № 2335 Заң күшi бар Жарлығын жүзеге асыру мақсатында Қазақстан Республикасының Үкіметі қаулы етедi:

1. Республикалық мемлекеттік кәсiпорындардың берiлiп отырған Тiзбесi бекiтiлсiн.

2. Министрлiктер, мемлекеттік комитеттер мен өзге де мемлекеттік органдар (бұдан әрi - өкiлеттi органдар) Тiзбеге сәйкес республикалық кәсiпорындарға қатысты мемлекеттік меншiк құқығы субъектiсiнiң функциясын жүзеге асыратын оларды мемлекеттік басқару органдары болып белгiленсiн.

Өкiлеттi органдар Республикалық мемлекеттік кәсiпорындардың Тiзбесi бекiтiлгеннен соң екi ай мерзiм iшiнде кәсiпорындардың жарғыларын бекiтсiн және олардың басшыларымен контракт жасасын.

3. Республикалық мемлекеттік кәсiпорындардың басшылары жарғылар бекiтiлген соң бiр ай мерзiм iшiнде белгiленген тәртiппен кәсiпорындарды қайта тiркеуден өткiзсiн.

4. Қазақстан Республикасының Статистика және талдау жөніндегі мемлекеттік комитетi республикалық мемлекеттік кәсiпорындардың тiзiлiмiн әзiрлесiн және оны жүргiзсiн.

5. Министрлiктер, мемлекеттік комитеттер, өзге де орталық және жергiлiктi атқарушы органдар өздерiнiң бұрын қабылдаған шешiмдерiн осы қаулыға сәйкестендiрсiн.

Қазақстан Республикасы

Премьер-Министрдiң орынбасары

Қазақстан Республикасы Үкіметінiң

1996 жылғы 25 маусымдағы

№ 790 қаулысымен

бекiтiлген

Республикалық мемлекеттік кәсiпорындардың

тiзбесi

Тізбе 2011 ж. 11 наурызда берілген өзгерістер және толықтыруларымен

Қазақстан Республикасының Геология және жер қойнауын қорғау министрлігі