(БҰРЫНҒЫ РЕДАКЦИЯ) ҚР КОНСТИТУЦИЯЛЫҚ 26.12.95 Ж. № 2733 ЗАҢЫ

Қазақстан Республикасының Президентi туралы
Қазақстан Республикасының 1995 ж. 26 желтоқсандағы N
2733 Конституциялық Заңы

(2007.19.06. берілген өзгерістер мен толықтыруларымен)

Осы редакция 2010 жылғы 14 маусымда енгізілген өзгерістеріне дейін қолданылды

   I тарау Қазақстан Республикасы Президентінің мәртебесi   (1 -  6 баптар)

  II тарау Қазақстан Республикасы Президентінің өкiлеттiгi  (7 - 19 баптар)

 III тарау Қазақстан Республикасы Президентінің актілері    (20 - 25 баптар)

  IV тарау Республика Президентiн қызметiнен мерзiмiнен     (26 - 27 баптар)

           бұрын босату, кетiру                                         

   V тарау Қазақстан Республикасы Президентінің қызметiн    (28 - 33 баптар)

           қамтамасыз ету                                             

  VI тарау Қазақстан Республикасының бұрынғы Президенттерi  (34 - 36 баптар)

 VII тарау Қорытынды ережелер                               (37 - 38 баптар)  

ҚР 06.05.99 ж. № 378-1 Конституциялық заңымен тақырып пен кіріспе жаңа редакцияда

Осы Конституциялық заң Қазақстан Республикасының Конституциясына сәйкес Қазақстан Республикасы Президентінің құқықтық жағдайын белгiлейдi.

I тарау

Қазақстан Республикасы Президентінің мәртебесi

1-бап. Республика Президентi

1. Республика Президентi - мемлекеттiң басшысы, мемлекеттiң iшкi және сыртқы саясатының негiзгi бағыттарын айқындайтын, ел iшiнде және халықаралық қатынастарда Қазақстанның атынан өкiлдiк ететiн ең жоғары лауазымды тұлға.