(БҰРЫНҒЫ РЕДАКЦИЯ) ҚР ҰЛТТЫҚ ҚАУІПСІЗДІК ОРГАНДАРЫ ТУРАЛЫ ЗАҢЫ 21.12...

Қазақстан Республикасының ұлттық қауiпсiздiк органдары туралы
1995 ж. 21 желтоқсандағы № 2710  Қазақстан Республикасының Заңы

(2009.28.08. берілген өзгерістер мен толықтыруларымен)

Осы редакция 2010 жылғы 8 сәуірде енгізілген өзгерістеріне дейін қолданылды

     1 Тарау.  Жалпы ережелер                            (1 - 6 баптар)

     2  Тарау. Ұлттық қауiпсiздiк органдарының жүйесi    (7 - 11 баптар)

               және олардың қызметiн ұйымдастыру

     3   Тарау. Ұлттық қауiпсiздiк органдарының құзыретi (12 - 15 баптар)

     4  Тарау. Ұлттық қауiпсiздiк органдарының кадрлары  (16 - 22 баптар)

               және олардың құқықтық жағдайы

     5 Тарау. Қорытынды және өтпелi ережелер             (23 - 28 баптар)

ҚР 21.03.02 ж. № 309-II Заңымен тақырып және кіріспе өзгертілді

Осы Заң Қазақстан Республикасы ұлттық қауiпсiздiк органдары мәртебесiн, өкiлеттiктерiн және қызметiнiң ұйымдастырылуын айқындайды.

1 Тарау

Жалпы ережелер

ҚР 21.03.02 ж. № 309-II Заңымен 1-бап өзгертілді

1-бап. Қазақстан Республикасы Ұлттық қауiпсiздiк органдарының мақсаты

Қазақстан Республикасының Ұлттық қауiпсiздiк органдары (бұдан әрi - ұлттық қауiпсiздiк органдары) - Қазақстан Республикасының қауiпсiздiгiн қамтамасыз ету жүйесiнiң құрамдас бөлiгi болып табылатын және өздерiне берiлген өкiлеттiктер шегiнде жеке адамның және қоғамның қауiпсiздiгiн, елдiң конституциялық құрылысын, мемлекеттік егемендiгiн, аумақтық тұтастығын, экономикалық, ғылыми-техникалық және қорғаныс әлеуетiн қорғауды қамтамасыз етуге арналған Қазақстан Республикасының Президентiне тiкелей бағынатын және есеп беретiн арнаулы мемлекеттік органдар.

ҚР 16.05.97 ж. № 110-1; 21.03.02 ж. № 309-II Заңдарымен 2-бап өзгертiлдi