(БҰРЫНҒЫ РЕДАКЦИЯ) ҚР 2003 Ж. 4 ШІЛДЕДЕГІ № 474-ІІ ЗАҢЫ

Қаржы рыногы мен қаржылық ұйымдарды мемлекеттік реттеу және
қадағалау туралы 2003 жылғы 4 шілдедегі № 474-ІІ Қазақстан
Республикасының Заңы

(2009.11.07. берілген өзгерістер мен толықтырулармен)

Осы редакция 2009 жылғы 28 тамызда енгізілген өзгерістеріне дейін қолданылды  (алғашқы ресми жарияланғанынан кейін алты ай өткен соң қолданысқа енгізіледі)

Осы Заңға енгізілетін өзгерістерді қара:

2009.28.08 № 192-ІV ҚР Заңы (алғашқы ресми жарияланғанынан кейін алты ай өткен соң қолданысқа енгізіледі)

1-тарау. Жалпы ережелер                             (1-6 баптар)

2-тарау. Уәкілетті органның мәртебесі,               (7-15 баптар)

         міндеттері, функциялары және өкілеттіктері

3-тарау. Қорытынды ережелер                          (16-17 баптар)

Осы Заң қаржы рыногы мен қаржылық ұйымдарды мемлекеттік реттеу мен қадағалауды жүзеге асыруға байланысты қоғамдық қатынастарды реттейдi және Қазақстан Республикасы қаржы жүйесiнiң тұрақтылығын арттыру мен қаржылық қызмет көрсетудi тұтынушылардың құқықтары мен заңды мүдделерiнiң бұзылуына жол бермеу жөнiнде жағдайлар жасауға бағытталған.

1-тарау. Жалпы ережелер

1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады:

1) қаржылық қызмет көрсетудi тұтынушы - қаржылық ұйымның қызмет көрсетуiн пайдаланушы, сондай-ақ өз қаражаттарын қаржы құралдарына инвестициялайтын жеке немесе заңды тұлға;

2) қаржы рыногындағы кәсiби қызмет - қаржылық қызмет көрсету жөніндегі кәсiпкерлiк қызмет;

3) уәкiлеттi орган - қаржы рыногы мен қаржылық ұйымдарды реттеу мен қадағалауды жүзеге асыратын мемлекеттік орган;

4) қаржылық ұйым - қаржылық қызмет көрсету жөніндегі кәсiпкерлiк қызметтi жүзеге асыратын заңды тұлға;