(БҰРЫНҒЫ РЕДАКЦИЯ) КӨЛІК ЖӘНЕ КОММУНИКАЦИЯЛАР...2002.16.08 № 672 БҰЙРЫҒЫ

Қазақстан Республикасының iшкi және халықаралық авиабағыттарындағы
тұрақты рейстердiң кестелерiн бекіту жөніндегі нұсқаулықты бекіту туралы
Қазақстан Республикасы Көлік және коммуникациялар министрлігінің Азаматтық
авиация комитеті төрағасының 2002 ж. 16 тамыздағы № 672 бұйрығы

Осы редакция 2008 жылғы 6 қазандағы енгізілген өзгерістеріне дейін қолданылды

«Азаматтық авиацияны мемлекеттік реттеу туралы» Қазақстан Республикасының 2001 жылғы 15 желтоқсандағы Заңының 5-бабына сәйкес және Қазақстан Республикасының iшкi және халықаралық авиабағыттарындағы тұрақты рейстердiң кестелерiн бекіту тәртібін анықтау мақсатында БҰЙЫРАМЫН:

1. Қоса берiлiп отырған Қазақстан Республикасының iшкi және халықаралық авиа бағыттарындағы тұрақты рейстердiң кестелерiн бекіту жөніндегі нұсқаулық бекітілсiн.

2. Осы бұйрық Қазақстан Республикасының Әдiлет министрлігінде мемлекеттік тiркелген күнiнен бастап қолданысқа енгiзiледi.

Төраға мiндетiн атқарушы

Қазақстан Республикасы Көлік

және коммуникациялар

министрлігінің

Азаматтық авиация

комитетi төрағасының

2002 жылғы 16 тамыздағы

№ 672 бұйрығымен бекiтілген

Қазақстан Республикасының iшкi және халықаралық

авиабағыттарындағы тұрақты рейстердiң кестелерiн

бекіту жөніндегі нұсқаулық

1. Жалпы ережелер

1. Осы Қазақстан Республикасының iшкi және халықаралық авиабағыттарындағы тұрақты рейстердiң кестелерiн нақтылау жөніндегі нұсқаулық (бұдан әрi - Нұсқаулық) Қазақстан Республикасының әуе кеңiстiгiнде тұрақты рейстердi орындайтын әуе кемелерiнiң, авиакомпаниялардың тұрақты рейстерiнiң кестелерiн бекіту тәртібін белгiлейдi.

2. Осы Нұсқаулықта мынадай анықтамалар пайдаланылады:

әуе қозғалысына қызмет көрсететiн аэронавигациялық өкiлеттi орган "Қазаэронавигация" республикалық мемлекеттік кәсiпорын;

уақыт аралығы (слот) - әуежайда әуе кемесiнiң белгiлi бiр күнi немесе кезеңiнде келу немесе жөнелу операцияларын орындау үшiн рейске бөлiнген уақыт;