(БҰРЫНҒЫ РЕДАКЦИЯ) ҚР ҮКІМЕТІ ТУРАЛЫ ҚР 18.12.95 Ж. КОНСТИТУЦИЯЛЫҚ ЗАҢЫ

Қазақстан Республикасының Үкіметі туралы Қазақстан Республикасының
1995 жылғы 18 желтоқсандағы № 2688 Конституциялық Заңы
(ҚР 24.02.97 ж. № 69-1; 06.05.99 ж. № 379-I; 24.11.04 ж. № 604-II
Конституциялық заңдарымымен енгізілген өзгерістерімен)

Осы редакция 2007 ж. 19 маусымдағы енгізілген өзгерістеріне дейін қолданылды

Бұрынғы редакцияларды қара

I Тарау.   Жалпы ережелер                                   (1-8 баптар)

II Тарау.  Республика Үкіметінің құзыреті, актілері,        (9-11 баптар)

            есептілігі  және жауапкершілігі

III Тарау. Республика Үкіметінің мемлекеттік                (12-17 баптар)

            органдармен қарым-қатынасы

IV Тарау. Республика Үкіметінің Қызметін ұйымдастыру        (18-27 баптар)

ҚР 06.05.99 ж. № 379-1 Конституциялық Заңымен тақырып пен кіріспе жаңа редакцияда

Осы Конституциялық заң Қазақстан Республикасының Конституциясына сәйкес Қазақстан Республикасы Үкіметінiң құзыретiн, ұйымдастырылуы мен қызметiнiң тәртібін белгiлейдi.

I Тарау. Жалпы ережелер

1-бап. Қазақстан Республикасы Үкіметінiң мәртебесi

Үкiмет Қазақстан Республикасының атқарушы билiгiн жүзеге асырады, атқарушы органдардың жүйесiн басқарады және олардың қызметiне басшылық жасайды.

ҚР 06.05.99 ж. № 379 Конституциялық Заңымен 2-бап өзгертілді

2-бап. Республика Үкіметі қызметiнiң құқықтық негiзi

Үкiмет Республика Конституциясының, осы Конституциялық заңның, Республиканың заңдары мен өзге де нормативтiк актілерінiң негiзiнде және оларды орындау үшiн iс-қимыл жасайды.

ҚР 06.05.99 ж. № 379 Конституциялық Заңымен 3-бап жаңа редакцияда

3-бап. Қазақстан Республикасы Yкіметінiң құрылуы, құрылымы және құрамы

1.Үкiметтi Республика Президентi Қазақстан Республикасының Конституциясында көзделген тәртiппен құрады.