(БҰРЫНҒЫ РЕДАКЦИЯ)

Сақтандыру және қайта сақтандыру ұйымдарының құрылтай құжаттарына
өзгерістер мен толықтырулар енгізу тәртібі туралы ережені бекіту жөнінде
Қазақстан Республикасы Ұлттық Банкі Басқармасының 2000 жылғы 24 мамырдағы № 243 қаулысы
(ҚР Ұлттық Банкі Басқармасының 21.04.03 ж. № 129; ҚР ҚҚА Басқармасының
2004.25.10. № 304 қаулыларымен енгізілген өзгерістерімен)

Осы редакция 2007 ж. 30 наурыздағы енгізілген өзгерістеріне дейін қолданылды

ҚР ҰБ Басқармасының 21.04.03 ж. № 129 қаулысымен қаулының атауы өзгертілді (бұр. ред. қара)

Сақтандыру заңнамасын жетiлдiру мақсатында Қазақстан Республикасы Ұлттық Банкінің Басқармасы қаулы етеді:

ҚР Ұлттық Банкі Басқармасының 21.04.03 ж. № 129 қаулысымен 1-тармақ өзгертілді (бұр. ред. қара)

1. Сақтандыру және қайта сақтандыру ұйымдарының құрылтай құжаттарына өзгерістер мен толықтырулар енгізу тәртібі туралы ереже бекітілсiн және Қазақстан Республикасының Әдiлет министрлігінде мемлекеттік тiркеуден өткiзiлген күннен бастап 10 күн өткеннен кейiн күшiне енгiзiлсiн.

2. Сақтандыруды қадағалау департаментi (Құрманов Ж.Б.):

1) Заң департаментiмен (Шәрiпов С.Б.) бiрлесiп осы қаулыны және Сақтандыру және қайта сақтандыру ұйымдарының құрылтай құжаттарына өзгерістер мен толықтырулар енгізу және олардың ерiктi түрде қайта құрылуына және таратылуына рұқсат беру тәртібі туралы ереженi Қазақстан Республикасының Әдiлет министрлігінде мемлекеттік тiркеуден өткізу шараларын қабылдасын;

2) Қазақстан Республикасының Әдiлет министрлігінде мемлекеттік тiркеуден өткiзiлген күннен бастап он күндiк мерзiмде осы қаулыны және Сақтандыру және қайта сақтандыру ұйымдарының құрылтай құжаттарына өзгерістер мен толықтырулар енгізу және олардың ерiкті түрде қайта құрылуына және таратылуына рұқсат беру тәртібі туралы ереженi Қазақстан Республикасы Ұлттық Банкінің орталық аппаратының мүдделi бөлiмшелерiне, облыстық филиалдарына және сақтандыру (қайта сақтандыру) ұйымдарына жiберсiн.