(БҰРЫНҒЫ РЕДАКЦИЯ) ҚР ҮКІМЕТІНІҢ 2003 Ж. 26 ҚАРАШАДАҒЫ № 1184 ҚАУЛЫСЫ

Қазақстан Республикасы Үкіметінiң кейбір шешiмдерiне өзгерістер мен
толықтырулар енгізу туралы Қазақстан Республикасы Үкіметінің
2003 жылғы 26 қарашадағы № 1184 қаулысы
(ҚР Үкіметінің 2005.05.02 ж. № 110 қаулысымен енгізілген өзгерістерімен)

Осы редакция  2006 ж. 17 тамыздағы енгізілген өзгерістеріне дейін  қолданылды

Қазақстан Республикасы Үкіметінiң кейбір шешiмдерiн Қазақстан Республикасы Президентінің "Қазақстан Республикасының мемлекеттік басқару жүйесiн одан әрi жетiлдiру шаралары туралы" 2002 жылғы 28 тамыздағы № 931 Жарлығына сәйкес келтiру мақсатында Қазақстан Республикасының Үкіметі қаулы етеді:

1. Қоса берiлiп отырған Қазақстан Республикасы Үкіметінiң кейбір шешiмдерiне енгiзiлетiн өзгерістер мен толықтырулар бекітілсiн.

2. Осы қаулы қол қойылған күнiнен бастап күшiне енедi.

Қазақстан Республикасының

Қазақстан Республикасы Үкіметінiң

2003 жылғы 26 қарашадағы

№ 1184 қаулысымен

бекітілген

Қазақстан Республикасы Yкіметінiң

кейбір шешiмдерiне енгiзiлетiн

өзгерістер мен толықтырулар

1. "Қазақстан Республикасының Ауыл шаруашылығын 2010 жылға дейiн дамытудың стратегиясы туралы және ауыл шаруашылығын 2010 жылға дейiн дамыту стратегиясын iске асыру жөніндегі кеңейтiлген шаралардың жоспары туралы" Қазақстан Республикасы Үкіметінiң 1997 жылғы 22 желтоқсандағы № 1817 қаулысында:

3 және 4-тармақтардағы "Стратегиялық жоспарлау және реформалар жөніндегі агенттiгiне", "Стратегиялық жоспарлау және реформалар жөніндегі агенттiгi" деген сөздер "Экономика және бюджеттік жоспарлау министрлігіне", "Экономика және бюджеттік жоспарлау министрлігі" деген сөздермен ауыстырылсын;

көрсетiлген қаулымен бекітілген Қазақстан Республикасының ауыл шаруашылығын 2010 жылға дейiн дамыту стратегиясын iске асыру жөніндегі шаралардың кеңейтiлген жоспарында:

мәтіндегі "Стратегиялық жоспарлау және реформалар жөніндегі агенттiк" деген сөздер "Экономика және бюджеттік жоспарлау министрлігі" деген сөздермен ауыстырылсын.