(СТАРАЯ РЕДАКЦИЯ) ҚР ҮКІМЕТІНІҢ 21.04.03 Ж. № 376 ҚАУЛЫСЫ

Табиғи монополия субъектiлерiнiң тарифтерiн (бағаларын, алымдар
ставкаларын) бекітуге немесе өзгертуге берiлген өтiнiмдерді қарау
кезiнде жария тыңдаулар өткізу ережесін бекіту туралы Қазақстан
Республикасы Үкіметінің 2003 ж. 21 сәуірдегі № 376 қаулысы

Осы редакция  ҚР Үкіметінің  2005 жылғы 22 ақпандағы  № 157 қаулысымен  енгізілген өзгерістеріне  дейін  қолданылды

"Табиғи монополиялар туралы" Қазақстан Республикасының 1998 жылғы 9 шiлдедегi Заңының 17-бабына сәйкес Қазақстан Республикасының ?кіметi қаулы етеді:

1. Қоса берiлiп отырған Табиғи монополия субъектiлерiнiң тарифтерiн (бағаларын, алымдар ставкаларын) бекітуге немесе өзгертуге берiлген өтiнiмдердi қарау кезiнде жария тыңдаулар өткізу ережесi бекітілсiн.

2. Осы қаулы жарияланған күнiнен бастап күшiне енедi.

Қазақстан Республикасының

Қазақстан Республикасы

Үкіметінiң

2003 жылғы 21 сәуірдегі

№ 376 қаулысымен

бекітілген

Табиғи монополия субъектiлерiнiң тарифтерiн (бағаларын, алым

ставкаларын) бекітуге немесе өзгертуге берiлген өтiнiмдердi қарау

кезiнде жария тыңдаулар өткізу ережесi

1. Жалпы ереже

1. Осы Ереже "Табиғи монополиялар туралы" Қазақстан Республикасының 1998 жылғы 9 шiлдедегi Заңына сәйкес әзiрлендi және табиғи монополия саласындағы қызметтi бақылау мен реттеудi жүзеге асыратын мемлекеттік органның (бұдан әрi - уәкiлеттi орган) табиғи монополия субъектiлерiнiң тарифтерiн (бағаларын, алымдар ставкаларын) бекітуге немесе өзгертуге берiлген өтiнiмдерiн қарау кезiнде жария тыңдаулар өткізудiң тәртібін белгілейдi.

2. Жария тыңдаулар өткізудiң мақсаты - табиғи монополия субъектiлерi қызметiнiң тұтынушылар мен уәкiлеттi орган үшiн ашықтығын қамтамасыз ету жолымен тариф саясаты саласындағы тұтынушылардың құқықтарын қорғау жүйесiн күшейту болып табылады.