Сыбайлас жемқорлыққа қарсы күрестің 2001-2005 жылдарға арналған мемлекеттік бағдарламасы туралы Қазақстан Республикасы Президентінің 2001 жылғы 5 қаңтардағы № 534 Жарлығы (күші жойылды)

Сыбайлас жемқорлыққа қарсы күрестің 2001-2005 жылдарға арналған
мемлекеттік бағдарламасы туралы Қазақстан Республикасы Президентінің
2001 жылғы 5 қаңтардағы № 534 Жарлығы

ҚР Президентінің 2009 жылғы 18 маусымдағы № 829 Жарлығымен күші жойылды

Қазақстан Республикасы Конституциясының 44-бабының 8) тармақшасына сәйкес қаулы етемін:

1. Қоса берiлiп отырған Сыбайлас жемқорлыққа қарсы күрестiң 2001-2005 жылдарға арналған мемлекеттік бағдарламасы (бұдан әрi - Бағдарлама) бекітілсiн.

2. Қазақстан Республикасының Үкіметі:

бір ай мерзiмде Бағдарламаны iске асыру жөніндегі Iс-шаралар жоспарын әзiрлесiн және бекiтсiн;

Қазақстан Республикасының Президентiне Бағдарламаның орындалу барысы туралы кемiнде жарты жылда бір рет баяндап отыратын болсын.

3. Осы Бағдарламаның орындалуын бақылау Қазақстан Республикасы Президентінің Әкiмшiлiгiне жүктелсiн.

4. Осы Жарлық қол қойылған күнiнен бастап күшiне енедi.

Қазақстан Республикасының Президенті

Қазақстан Республикасы

Президентінің

2001 жылғы 5 қаңтардағы

№ 534 Жарлығымен

Бекітілген

Сыбайлас жемқорлыққа қарсы күрестің 2001-2005

жылдарға арналған

МЕМЛЕКЕТТІК БАҒДАРЛАМАСЫ

1. БАҒДАРЛАМАНЫҢ ПАСПОРТЫ

Бағдарламаның атауы       Сыбайлас жемқорлыққа қарсы күрестiң

                          2001-2005 жылдарға арналған мемлекеттік

                          бағдарламасы

Бағдарламаны              "1999-2005 жылдарға арналған Ұлттық қауiпсiздiк

әзiрлеу үшін негіздеме    стратегиясын іске асыру жөніндегі іс-шаралар

                          жоспары туралы" Қазақстан Республикасы

                          Үкіметінiң 1999 жылғы 30 желтоқсандағы