«Кәсіби ұйымдарды, сертификаттау жөніндегі ұйымдарды аккредиттеу қағидаларын бекіту туралы» Қазақстан Республикасы Қаржы министрінің 2015 жылғы 16 наурыздағы № 175 бұйрығы (2024.31.08. берілген өзгерістер мен толықтырулармен)

Кәсіби ұйымдарды, сертификаттау жөніндегі ұйымдарды аккредиттеу қағидаларын бекіту туралы
Қазақстан Республикасы Қаржы министрінің 2015 жылғы 16 наурыздағы № 175 бұйрығы

(2024.31.08. берілген өзгерістер мен толықтырулармен)

ҚР Премьер-Министрінің Бірінші орынбасары - ҚР Қаржы министрінің 2020.09.04. № 370 бұйрығымен (бұр.ред.қара); ҚР Қаржы министрінің 2022.04.02. № 126 бұйрығымен (бұр.ред.қара) кіріспе жаңа редакцияда

«Бухгалтерлiк есеп пен қаржылық есептiлiк туралы» Қазақстан Республикасы Заңының 20-бабы 5-тармағының 11) тармақшасына және «Мемлекеттік көрсетілетін қызметтер туралы» Қазақстан Республикасы Заңының 10-бабының 1) тармақшасына сәйкес БҰЙЫРАМЫН:

1. Қоса беріліп отырған Кәсіби ұйымдарды, сертификаттау жөніндегі ұйымдарды аккредиттеу қағидалары бекітілсін.

2. Қазақстан Республикасы Қаржы министрлігінің Бухгалтерлік есеп және аудит әдіснамасы департаменті (А.Т. Бектұрова) заңнамада белгіленген тәртіппен:

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оны мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберуді;

3) осы бұйрықты Қазақстан Республикасы Қаржы министрлігінің интернет-ресурсында орналастыруды қамтамасыз етсін.

3. Осы бұйрық алғашқы ресми жарияланған күнінен бастап он күнтізбелік күн өткен соң қолданысқа енгізіледі.

ҚР Премьер-Министрінің Бірінші орынбасары - ҚР Қаржы министрінің 2020.09.04. № 370 бұйрығымен қағида жаңа редакцияда (бұр.ред.қара)

Қазақстан Республикасы

Қаржы министрінің

2015 жылғы 16 наурыздағы

№ 175 бұйрығымен бекітілген

Кәсiби ұйымдарды, сертификаттау жөнiндегi ұйымдарды аккредиттеу

 қағидалары

1-тарау. Жалпы ережелер

ҚР Қаржы министрінің 2022.04.02. № 126 бұйрығымен 1-тармақ жаңа редакцияда (бұр.ред.қара)