«Қазақстан Республикасының Үкiметi, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын лауазымды адамдар бойынша кадр мәселелерiн шешу тәртібі туралы» Қазақстан Республикасы Үкіметінің 2023 жылғы 27 желтоқсандағы № 1195 Қаулысы (2024.31.12. берілген өзгерістермен)

Қазақстан Республикасының Үкiметi, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын лауазымды адамдар бойынша кадр мәселелерiн шешу тәртібі туралы
Қазақстан Республикасы Үкіметінің 2023 жылғы 27 желтоқсандағы № 1195 Қаулысы

(2024.31.12. берілген өзгерістермен)

Кадр мәселелерiн шешу тетiгiн жетiлдiру мақсатында Қазақстан Республикасының Үкiметi ҚАУЛЫ ЕТЕДІ:

1. Қоса беріліп отырған:

1) Қазақстан Республикасының Үкіметі, Қазақстан Республикасының Премьер-Министрі тағайындайтын, онымен келiсу бойынша немесе оның ұсынуымен тағайындалатын саяси мемлекеттік қызметшілер, лауазымды және өзге де адамдар лауазымдарының тізбесі («Қызмет бабында пайдалану үшін» белгісімен).

2) Қазақстан Республикасының мемлекеттік саяси қызметшілерін, лауазымды және өзге де адамдарын лауазымға келісу, тағайындау және лауазымнан босату тәртібі туралы қағидалар («Қызмет бабында пайдалану үшін» белгісімен);

3) бірінші басшылары Қазақстан Республикасы Премьер-Министрінің ұсынуымен немесе онымен келісу бойынша лауазымға тағайындалатын немесе лауазымнан босатылатын, сондай-ақ Қазақстан Республикасы Үкіметінің шешімі бойынша лауазымға тағайындалатын немесе лауазымнан босатылатын ұлттық басқарушы холдингтердің, ұлттық холдингтердің, ұлттық компаниялардың, коммерциялық емес акционерлік қоғамдардың, даму институттарының, мемлекеттік жоғары және (немесе) жоғары оқу орнынан кейінгі білім беру ұйымдарының және өзге де ұйымдардың тізімі («Қызмет бабында пайдалану үшін» белгісімен) бекітілсін.

2. Осы қаулыға қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

3. Мемлекеттік органдар, жергілікті атқарушы органдар мен ұйымдар осы қаулыдан туындайтын шараларды қабылдасын.

4. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2023 жылғы 27 желтоқсандағы

№ 1195 қаулысына

қосымша

Қазақстан Республикасы Үкіметінің күші жойылған кейбір шешімдерінің тізбесі