«Қазақстан Республикасында босқын мәртебесін беру және ұзарту» мемлекеттік көрсетілетін қызмет регламенті (Қазақстан Республикасы Ішкі істер министрінің 2015 жылғы 30 мамырдағы № 495 бұйрығына 4-қосымша) (2019.16.09. берілген өзгерістер мен толықтырулармен) (күші жойылды)

Қазақстан Республикасы

Ішкі істер министрінің

2015 жылғы 30 мамырдағы

№ 495 бұйрығына

4-қосымша

ҚР Ішкі істер министрінің 2020 жылғы 30 наурыздағы № 265 бұйрығымен күші жойылды

«Қазақстан Республикасында босқын мәртебесін беру және ұзарту»
мемлекеттік қызметінің регламенті

(2019.16.09. берілген өзгерістер мен толықтырулармен)

ҚР Ішкі істер министрінің 2019.19.02. № 136 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

1. «Қазақстан Республикасында босқын мәртебесін беру және ұзарту» мемлекеттік қызметінің регламенті (бұдан әрі - Регламент) Қазақстан Республикасы Ішкі істер министрінің 2015 жылғы 7 сәуірдегі № 315 бұйрығымен бекітілген «Қазақстан Республикасында босқын мәртебесін беру және ұзарту» мемлекеттік көрсетілетін қызмет стандартына (бұдан әрі - Стандарт) сәйкес көрсетілетін қызметті алушының тұрғылықты жері бойынша көрсетеді.

ҚР Ішкі істер министрінің 2018.24.01. № 45 бұйрығымен 2-тармақ жаңа редакцияда (бұр.ред.қара)

2. Мемлекеттік қызметті Министрліктің www.mvd.gov.kz интернет-ресурсында, «Министрлік туралы» бөлімде, «Қазақстан Республикасы Ішкі істер министрлігі құрылымдық бөліністерінің веб-ресурстары» деген кіші бөлімде көрсетілген мекенжайлар бойынша Қазақстан Республикасы Ішкі істер министрлігінің аумақтық көші-қон қызметі бөліністері (бұдан әрі - көрсетілетін қызметті беруші) көрсетеді.

3. Мемлекеттік қызмет көрсету нысаны - қағаз түрінде.

4. Мемлекеттік қызмет көрсету нәтижесі - Қазақстан Республикасында шетелдіктерге, азаматтығы жоқ адамдарға мемлекеттік қызмет ұсынуда босқын мәртебесін беру және босқынның куәлігін беру, босқынның мәртебесін ұзарту беру не осы мемлекеттік көрсетілетін қызмет стандартының 10-тармағында көзделген жағдайларда және негіздер бойынша мемлекеттік қызметті көрсетуден бас тарту туралы дәлелді жауап.

Мемлекеттік қызметті көрсету нәтижесін ұсыну нысаны: қағаз түрінде.

ҚР Ішкі істер министрінің 2019.19.02. № 136 бұйрығымен 2-тараудың тақырыбы жаңа редакцияда (бұр.ред.қара)