«Медициналық ұйымдар қызметінің аккредиттеу стандарттарына сәйкестігін тану мақсатында оларды аккредиттеу» мемлекеттік көрсетілетін қызмет стандарты» (Қазақстан Республикасы Денсаулық сақтау және әлеуметтік даму министрінің 2015 жылғы 28 сәуірдегі № 294 бұйрығына 3-қосымша) (2017.10.07. берілген өзгерістер мен толықтырулармен) (күші жойылды)

Қазақстан Республикасы

Денсаулық сақтау және

әлеуметтік даму министрінің

2015 жылғы 28 cәуірдегі

№ 294 бұйрығына 3-қосымша

ҚР Денсаулық сақтау министрінің 2020 жылғы 4 қарашадағы № ҚР ДСМ-180/2020 бұйрығымен күші жойылды

ҚР Денсаулық сақтау және әлеуметтік даму министрінің 2016.30.09. № 831 бұйрығымен атауы жаңа редакцияда (бұр.ред.қара)

«Медициналық ұйымдар қызметінің аккредиттеу стандарттарына сәйкестігін тану мақсатында оларды аккредиттеу»
мемлекеттік көрсетілетін қызмет стандарты

(2017.10.07. берілген өзгерістер мен толықтырулармен)

«Денсаулық сақтау субъектілерін аккредиттеу» мемлекеттік көрсетілетін қызмет регламентін қараңыз

ҚР Денсаулық сақтау министрінің 2017.10.07. № 496 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

ҚР Денсаулық сақтау және әлеуметтік даму министрінің 2016.30.09. № 831 бұйрығымен 1-тармақ жаңа редакцияда (бұр.ред.қара)

1. «Медициналық ұйымдар қызметінің аккредиттеу стандарттарына сәйкестігін тану мақсатында оларды аккредиттеу» мемлекеттік көрсетілетін қызмет стандарты (бұдан әрі - мемлекеттік стандарт).

ҚР Денсаулық сақтау министрінің 2017.10.07. № 496 бұйрығымен 2-тармақ жаңа редакцияда (бұр.ред.қара)

2. Мемлекеттік көрсетілетін қызмет стандартын Қазақстан Республикасы Денсаулық сақтау министрлігі (бұдан әрі - Министрлік) әзірледі.

ҚР Денсаулық сақтау министрінің 2017.10.07. № 496 бұйрығымен 3-тармақ жаңа редакцияда (бұр.ред.қара)

3. Мемлекеттік қызметті Министрліктің Қоғамдық денсаулық сақтау комитеті, оның аумақтық бөлімшелері және денсаулық сақтау саласында уәкілетті орган аккредиттеген ұйым(бұдан әрі - көрсетілетін қызметті беруші) көрсетеді.

Мемлекеттік көрсетілетін қызметті алу үшін өтінішті қабылдау:

1) көрсетілетін қызметті берушінің кеңсесі - Министрліктің Қоғамдық денсаулық сақтау комитетініңаумақтық бөлімшелері және денсаулық сақтау саласында уәкілетті органмен аккредиттеуден өткен ұйым;