«Қолданбалы этносаяси зерттеулер институты» жауапкершілігі шектеулі серіктестігін құру және Қазақстан Республикасы Үкіметінің кейбір шешімдеріне өзгеріс пен толықтырулар енгізу туралы» Қазақстан Республикасы Үкіметінің 2020 жылғы 2 мамырдағы № 262 Қаулысы (2023.04.10. берілген өзгерістермен)
«Қолданбалы этносаяси зерттеулер институты» жауапкершілігі шектеулі серіктестігін құру және Қазақстан Республикасы Үкіметінің кейбір шешімдеріне өзгеріс пен толықтырулар енгізу туралы
Қазақстан Республикасы Үкіметінің 2020 жылғы 2 мамырдағы № 262 Қаулысы
(2023.04.10. берілген өзгерістермен)
Қазақстан Республикасының Үкіметі ҚАУЛЫ ЕТЕДІ:
1. Жарғылық капиталына мемлекет жүз процент қатысатын «Қолданбалы этносаяси зерттеулер институты» жауапкершілігі шектеулі серіктестігі (бұдан әрі - серіктестік) құрылсын.
2. Серіктестік қызметінің негізгі нысанасы этносаралық қатынастар саласындағы қолданбалы этносаяси зерттеулер болып айқындалсын.
3. Серіктестіктің жарғылық капиталы осы қаулыға қосымшаға сәйкес Қазақстан Республикасы Ақпарат және қоғамдық даму министрлігінің (бұдан әрі - Министрлік) теңгеріміндегі республикалық мүлік есебінен қалыптастырылсын.
4. Қазақстан Республикасы Қаржы министрлігінің Мемлекеттік мүлік және жекешелендіру комитеті Министрлікпен бірлесіп, заңнамада белгіленген тәртіппен:
1) серіктестіктің жарғысын бекітуді және оны Қазақстан Республикасының әділет органдарында тіркеуді;
2) серіктестіктің мемлекеттік қатысу үлесін иелену және пайдалану құқығын Министрлікке беруді;
3) осы қаулыдан туындайтын өзге де шараларды қабылдауды қамтамасыз етсін.
5. Қазақстан Республикасы Үкіметінің кейбір шешімдеріне енгізілетін өзгеріс пен толықтырулар бекітілсін.
6. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі |
А. Мамин |
Үкіметінің
2020 жылғы 2 мамырдағы
№ 262 қаулысына
қосымша
«Қазақстан Республикасы Ақпарат және қоғамдық даму министрлігінің Қолданбалы этносаяси зерттеулер институты» жауапкершілігі шектеулі серіктестігінің жарғылық капиталына берілетін республикалық мүліктің
тізбесі
| Р/с № | Атауы | Өлшем бірлігі | Саны |
| 1 | Кондиционерлеуге арналған жабдық | дана | 3 |
| 2 | «Seven Hills of Kazakhstan» ЖШС термопринтері | дана | 1 |
| 3 | «Seven Hills of Kazakhstan» ЖШС деректерді жинау терминалы | дана | 1 |
| 4 | Электрографиялық көшіру машинасы | дана | 1 |
Қазақстан Республикасы
Үкіметінің
2020 жылғы 2 мамырдағы
№ 262 қаулысымен
Демо – версия документа