«Қазақстан Республикасы Ішкі істер министрлігі білім беру ұйымдарының кейбір мәселелері» Қазақстан Республикасы Үкіметінің 2014 жылғы 31 желтоқсандағы № 1446 Қаулысы

Қазақстан Республикасы Ішкі істер министрлігі білім беру ұйымдарының кейбір мәселелері
Қазақстан Республикасы Үкіметінің 2014 жылғы 31 желтоқсандағы № 1446 Қаулысы

Қазақстан Республикасы Ішкі істер министрлігінің ведомстволық білім беру жүйесін одан әрі оңтайландыру мақсатында Қазақстан Республикасының Үкіметі қаулы етеді:

1. Осы қаулыға 1-қосымшаға сәйкес Қазақстан Республикасы Ішкі істер министрлігінің қарамағындағы мемлекеттік мекемелер қайта аталсын.

2. 1-тармаққа сәйкес қайта аталатын мемлекеттік мекемелерді қаржыландыру тиісті қаржы жылына арналған республикалық бюджетте көзделген қаражат және бекітілген штат санының лимиті шегінде жүргізіледі деп белгіленсін.

3. Осы қаулыға 2-қосымшаға сәйкес Қазақстан Республикасы Ішкі істер министрлігінің қарамағындағы мемлекеттік мекемелер таратылсын.

4. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) «Қазақстан Республикасы Ішкі істер министрлігінің мәселелері» туралы Қазақстан Республикасы Үкіметінің 2005 жылғы 22 маусымдағы № 607 қаулысында (Қазақстан Республикасының ПҮАЖ-ы, 2005 ж., № 25, 311-құжат):

көрсетілген қаулымен бекітілген Қазақстан Республикасы Ішкі істер министрлігі туралы ережеде:

Қазақстан Республикасы Ішкі істер министрлігінің қарамағындағы мемлекеттік мекемелер мен оның ведомстволарының тізбесінде:

«1. Қазақстан Республикасы Ішкі істер министрлігі» деген бөлімде:

реттік нөмірлері 18, 22, 24, 25-жолдар мынадай редакцияда жазылсын:

«18. Қазақстан Республикасы Ішкі істер министрлігінің оқу орталығы (Астана қаласы)»;

«22. Қазақстан Республикасы Ішкі істер министрлігінің оқу орталығы (Теміртау қаласы)»;

«24. Қазақстан Республикасы Ішкі істер министрлігінің оқу орталығы (Қостанай қаласы).

25. Қазақстан Республикасы Ішкі істер министрлігінің оқу орталығы (Ақтау қаласы).»;

реттік нөмірлері 19, 20, 21, 23, 26-жолдар алып тасталсын;