(БҰРЫНҒЫ РЕДАКЦИЯ) ҚР ҮКІМЕТІНІҢ 2012.17.01 № 83 ҚАУЛЫСЫМЕН БЕКІТІЛГЕН

Осы редакция 2012 жылғы 19 желтоқсанда енгізілген өзгерістеріне дейін қолданылды

Қазақстан Республикасы

Үкіметінің

2012 жылғы 17 қаңтардағы

№ 83 қаулысымен

бекітілген

«Мәдени құндылықтарды уақытша әкетуге және әкелуге рұқсаттар беру»
мемлекеттік қызмет стандарты
 
 
1. Жалпы ережелер

1. Мемлекеттік қызметті Қазақстан Республикасы Мәдениет министрлігінің Мәдениет комитеті (бұдан әрі - Комитет) мына мекенжайда көрсетеді: 010000, Астана қаласы, Орынбор көшесі, № 8, «Министрліктер үйі» ғимараты, 15-кіреберіс, № 531 кабинет.

2. Мемлекеттік қызмет автоматтандырылмаған.

3. Мемлекеттік қызмет «Мәдениет туралы» Қазақстан Республикасының 2006 жылғы 15 желтоқсандағы Заңының 7-бабы 22) тармақшасының және «Мәдени құндылықтарды әкетуге және әкелуге рұқсат беру ережесін бекіту туралы» Қазақстан Республикасы Үкіметінің 2007 жылғы 30 мамырдағы № 440 қаулысының негізінде көрсетіледі.

4. Мемлекеттік қызмет туралы ақпаратты электрондық Үкіметтің www.e.gov.kz порталынан, Қазақстан Республикасы Мәдениет министрлігінің (бұдан әрі - Министрлік) www.mk.gov.kz интернет-ресурсынан, сондай-ақ Комитетке 8 (7172) 740434 телефоны бойынша хабарласу арқылы алуға болады.

Мемлекеттік қызмет стандарты www.mk.gov.kz.  мекенжайы бойынша Министрліктің интернет ресурсында «Мемлекеттік қызмет» бөлімінің «Мәдени құндылықтарды әкелуге-әкетуге рұқсат беру» кіші бөлімінде орналастырылған.

5. Мәдени құндылықтарды уақытша әкету құқығына куәлік (бұдан әрі - куәлік) беру не куәлік беруден бас тарту туралы жазбаша түрдегі дәлелді жауап көрсетілетін мемлекеттік қызметтің нәтижесі болып табылады.

Куәлік белгіленген нысан бойынша қағаз жеткізгіште беріледі.

6. Мемлекеттік қызмет жеке және заңды тұлғаларға (бұдан әрі - тұтынушы) көрсетіледі.

7. Мемлекеттік қызмет көрсету мерзімдері:

1) осы стандарттың 11-тармағында айқындалған қажетті құжаттарды тапсырған күннен бастап күнтізбелік он күн ішінде;

2) қажетті құжаттарды тапсыру кезінде кезек күтудің жол берілетін ең ұзақ уақыты - 15 минут;