(БҰРЫНҒЫ РЕДАКЦИЯ) ҚР ҮКІМЕТІНІҢ 2004 Ж. 16 ҚАҢТАРДАҒЫ № 45 ҚАУЛЫСЫ

Мемлекеттік орман қорының аумағында орман орналастыруды жүргізу ережесін бекіту туралы
Қазақстан Республикасы Үкіметінің 2004 ж. 16 қаңтардағы № 45 қаулысы

(2012.07.11. берілген өзгерістер мен толықтырулармен)

Осы редакция 2012 жылғы 4 желтоқсанда енгізілген өзгерістеріне дейін қолданылды

Қазақстан Республикасының 2003 жылғы 8 шiлдедегi Орман кодексiне сәйкес Қазақстан Республикасының Үкіметі қаулы етеді:

1. Қоса берiлiп отырған мемлекеттік орман қорының аумағында орман орналастыруды жүргiзу ережесi бекітілсiн.

2. Осы қаулы қол қойылған күнiнен бастап күшiне енедi.

Қазақстан Республикасы

Үкіметінiң

2004 жылғы 16 қаңтардағы

№ 45 қаулысымен

бекітілген

Мемлекеттік орман қорының аумағында орман орналастыруды жүргiзу

ережесi

1. Жалпы ережелер

1. Осы Орман орналастыруды жүргiзу ережесi (бұдан әрi - Ереже) мемлекеттік орман қоры аумағында орман орналастыруды жүргiзу тәртібін регламенттейдi.

2. Мемлекеттік орман қоры аумағында орман орналастыруды орман шаруашылығы саласындағы уәкілетті органның (бұдан әрi - уәкілеттi орган) қарауындағы мемлекеттік орман орналастыру ұйымдары орындайды.

ҚР Үкіметінің 2012.07.11. № 1413 Қаулысымен 3-тармақ жаңа редакцияда (ресми жарияланғанынан кейін күнтізбелік он күн өткен соң қолданысқа енгізіледі) (бұр.ред.қара)

3. Мемлекеттiк орман иеліктері үшін әзірленетін орман орналастыру жобалары орман шаруашылығын жүргізудің және өткен ревизиялық кезеңде мемлекеттік орман қорын пайдаланудың кешенді бағасын, алдағы ревизиялық кезеңде жоспарланып отырған орман шаруашылығы іс-шаралары мен орман шаруашылығын ұйымдастыру мен жүргізудің негізгі ережелерін қамтиды.

2. Орман орналастыруды жүргiзу шарттары мен тәртібі

ҚР Үкіметінің 2012.07.11. № 1413 Қаулысымен 4-тармақ жаңа редакцияда (ресми жарияланғанынан кейін күнтізбелік он күн өткен соң қолданысқа енгізіледі) (бұр.ред.қара)