(БҰРЫНҒЫ РЕДАКЦИЯ) ҚР ПРЕЗИДЕНТІНІҢ 2010.27.09 № 1072 ЖАРЛЫҒЫ

Қазақстан Республикасы Президентінің
Жарлығы

Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған органдардың штат санын оңтайландыру жөніндегі шаралар туралы

(2011.20.10. берілген өзгерістер мен толықтырулармен)

Осы редакция 2012 жылғы 30 шілдеде енгізілген өзгерістеріне дейін қолданылды

Қазақстан Республикасындағы мемлекеттік басқару жүйесін одан әрі жетілдіру мақсатында ҚАУЛЫ ЕТЕМІН:

ҚР Президентінің 2011.20.10. № 165 Жарлығымен 1-тармақ өзгертілді (2010 жылғы 1 қарашадан бастап қолданысқа енгізілді) (бұр.ред.қара)

1. «2010 жылғы 1 қарашадан бастап осы Жарлықтың 5 (құпия), 5-1-тармақтарында (құпия) көрсетілген органдарды қоспағанда, Қазақстан Республикасының мемлекеттік бюджеті және Ұлттық Банкінің сметасы (бюджеті) есебінен қамтылған Қазақстан Республикасы органдарының:

Қазақстан Республикасы Парламенті Палаталары аппараттарының;

Қазақстан Республикасы Конституциялық Кеңесі аппаратының;

Қазақстан Республикасының Жоғарғы Соты жанындағы Соттардың қызметін қамтамасыз ету департаментінің (Қазақстан Республикасы Жоғарғы Сотының аппараты), оның облыстардағы, астанадағы және республикалық маңызы бар қалалардағы аумақтық органдарының (соттардың кеңселері);

Қазақстан Республикасы Орталық сайлау комиссиясы аппаратының;

Адам құқықтары жөніндегі ұлттық орталықтың;

Қазақстан Республикасының Президентіне тікелей бағынатын және есеп беретін мемлекеттік органдардың, олардың ведомстволарының, аумақтың бөлімшелерінің;

орталық атқарушы органдардың, олардың ведомстволарының, аумақтық бөлімшелерінің;

жергілікті атқарушы органдардың;

Қазақстан Республикасы ішкі істер органдарының;

Қазақстан Республикасы Төтенше жағдайлар министрлігінің төтенше жағдайлардың алдын алу және жою жөніндегі, мемлекеттік өртке қарсы қызмет органдарының;

сондай-ақ Қазақстан Республикасының облыстық және оларға теңестірілген соттары, аудандық және оларға теңестірілген соттары судьяларының штат санының лимиттері 15 пайызға қысқартылсын.