(БҰРЫНҒЫ РЕДАКЦИЯ) ҚР ҮКІМЕТІНІҢ 2010.10.09 № 924 ҚАУЛЫСЫ

2010 - 2014 жылдарға арналған Жасыл даму салалық бағдарламасын бекіту туралы
Қазақстан Республикасы Үкіметінің 2010 жылғы 10 қыркүйектегі № 924 Қаулысы

Осы редакция 2011 жылғы 4 тамызда енгізілген өзгерістеріне дейін қолданылды

«Қазақстан Республикасының 2020 жылға дейінгі Стратегиялық даму жоспары туралы» Қазақстан Республикасы Президентінің 2010 жылғы 1 ақпандағы № 922 Жарлығын іске асыру мақсатында Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған 2010 - 2014 жылдарға арналған «Жасыл даму» салалық бағдарламасы (бұдан әрі — Бағдарлама) бекітілсін.

2. Осы Бағдарламаны іске асыруға қатысатын бірлесіп орындаушы мемлекеттік органдар өз құзыреті шегінде есепті жылдың 15 шілдесінен кешіктірмей жарты жылдық қорытындылары бойынша және есепті жылдан кейінгі жылдың 1 ақпанынан кешіктірмей жыл қорытындылары бойынша Қазақстан Республикасы Қоршаған ортаны қорғау министрлігіне Бағдарламаның іске асырылу барысы туралы жедел есептілікті ұсынып отырсын.

3. Қазақстан Республикасы Қоршаған ортаны қорғау министрлігі есепті жылдың 1 тамызынан кешіктірмей жарты жылдық қорытындылары бойынша және есепті жылдан кейінгі жылдың 15 ақпанынан кешіктірмей жыл қорытындылары бойынша Қазақстан Республикасы Экономикалық даму және сауда министрлігіне Бағдарламаның іске асырылу барысы туралы жедел есептілікті ұсынып отырсын.

4. Қазақстан Республикасы Экономикалық даму және сауда министрлігі есепті жылдың 15 тамызынан кешіктірмей жарты жылдық қорытындылары бойынша және есепті жылдан кейінгі жылдың 1 наурызынан кешіктірмей жыл қорытындылары бойынша Қазақстан Республикасының Үкіметіне Бағдарлама мониторингі бойынша жалпы есепті ұсынып отырсын.

5. Қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.

6. Осы қаулының орындалуын бақылау Қазақстан Республикасы Премьер-Министрінің бірінші орынбасары Ө.Е.Шөкеевке жүктелсін.

7. Осы қаулы қол қойылған күнінен бастап қолданысқа енгізіледі.

Қазақстан Республикасы

Үкіметінің

2010 жылғы 10 қыркүйектегі

№ 924 қаулысымен

бекітілген