(БҰРЫНҒЫ РЕДАКЦИЯ) ҚР ҚАРЖЫ НАРЫҒЫН ЖӘНЕ...АГЕНТТІГІ БАСҚАРМАСЫНЫҢ 2...

Банк конгломераттарына арналған пруденциалдық нормативтерді есептеу әдістемелері мен нормативтік мәнін,
сондай-ақ олардың орындалуы туралы есеп берудің нысандары мен мерзімін белгілеу туралы
Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының
2006 жылғы 25 ақпандағы № 44 Қаулысы

(2010.15.07. берілген өзгерістер мен толықтыруларымен)

Осы редакция 2011 жылғы 28 ақпанда енгізілген өзгерістеріне дейін қолданылды

«Қазақстан Республикасындағы банктер және банк қызметі туралы» Қазақстан Республикасы Заңының 2, 42-баптарының ережелерін іске асыру мақсатында Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі - Агенттік) Басқармасы ҚАУЛЫ ЕТЕДІ:

1. Банк конгломераттарына сақтауға міндетті мынадай пруденциалдық нормативтерді белгілесін:

жарғылық капиталдың ең аз мөлшерін;

меншікті капиталдың жеткіліктілік коэффициентін;

бір қарыз алушы тәуекелдің ең жоғары мөлшерін.

ҚР ҚҚА Басқармасының 2010.30.04. № 58 Қаулысымен 2-тармақ өзгертілді (бұр.ред.қара)

2. Осы қаулыда көзделген банк конгломераттарына арналған пруденциалдық нормативтерді есептеу мақсатында:

банк конгломератының қатысушылары ретінде банк конгломератының сабақтас ұйымдарын, банк конгломератының сабақтас ұйымының еншілес ұйымдары болып табылатын заңды тұлғаларын, активтері сабақтас ұйымның активтерінің бір процентінен кем құралатын бағалы қағаздар тізілімі жүйесін қалыптастыруды, сақтауды және жүргізуді жүзеге асыратын бағалы қағаздар рыногының кәсіби қатысушыларын, сондай-ақ акциялары (қатысу үлесі) оларды өткізу сәтіне дейін кепіл шартының талаптарына сәйкес сабақтас ұйымның меншігіне өткен заңды тұлғаларды қоспағанда, капиталда қомақты үлесі бар банк конгломератының сабақтас ұйымы және (немесе) оның еншілес ұйымдарын түсінуге болады;