(БҰРЫНҒЫ РЕДАКЦИЯ)ҚР ҮКІМЕТІНІҢ 2010.13.12 № 1350 ҚАУЛЫСЫ

«2011 - 2013 жылдарға арналған республикалық бюджет туралы» Қазақстан Республикасының Заңын іске асыру туралы
Қазақстан Републикасы Үкіметінің 2010 жылғы 13 желтоқсандағы № 1350 Қаулысы

(2011.02.03. берілген өзгерістер мен толықтырулармен)

Осы редакция 2011 жылғы 7 сәуірде енгізілген өзгерістеріне дейін қолданылды

Қазақстан Республикасының Үкіметі ҚАУЛЫ ЕТЕДІ:

ҚР Үкіметінің 2011.17.02. № 147 Қаулысымен (бұр.ред.қара); 2011.02.03. № 214 Қаулысымен (бұр.ред.қара) 1-тармақ өзгертілді

1. 2011 - 2013 жылдарға арналған республикалық бюджет мынадай көлемде атқарылуға қабылдансын, оның ішінде 2011 жылға:

1) кірістер - 4 147 918 285 мың теңге, оның ішінде:

салықтық түсімдер - 2 752 201 417 мың теңге;

салықтық емес түсімдер - 81 749 823 мың теңге;

негізгі капиталды сатудан түсетін түсімдер - 10 844 939 мың теңге;

трансферттердің түсімдері - 1 303 122 106 мың теңге;

2) шығындар - 4 489 409 432 мың теңге;

3) таза бюджеттік кредит беру - 72 770 293 мың теңге, оның ішінде:

бюджеттік кредиттер - 173 775 174 мың теңге;

бюджеттік кредиттерді өтеу - 101 004 881 мың теңге;

4) қаржы активтерімен жасалатын операциялар бойынша сальдо - 281 549 111 мың теңге, оның ішінде:

қаржы активтерін сатып алу - 281 909 111 мың теңге;

мемлекеттің қаржы активтерін сатудан түсетін түсімдер - 360 000 мың теңге;

5) тапшылық - - 695 810 551 мың теңге немесе елдің жалпы ішкі өніміне 3,0 пайыз;

6) бюджет тапшылығын қаржыландыру - 695 810 551 мың теңге.

ҚР Үкіметінің 2011.17.02. № 147 Қаулысымен 2-тармақ өзгертілді (бұр.ред.қара)

2. Мыналар:

1) осы қаулыға 1-қосымшаға сәйкес республикалық бюджеттен қаржыландырылатын республикалық бюджеттік инвестициялық жобалардың тізбесі;

2) осы қаулыға 2-қосымшаға сәйкес (қызмет бабында пайдалану үшін) Қазақстан Республикасы Төтенше жағдайлар және Қорғаныс министрліктерінің бюджеттік инвестициялық жобаларының тізбесі;

3) осы қаулыға 3-қосымшаға сәйкес облыстар, республикалық маңызы бар қала, астана арасында төмен тұрған бюджеттерге нысаналы даму трансферттерін және кредиттерді бөлу;