(БҰРЫНҒЫ РЕДАКЦИЯ) (КҮШІ ЖОЙЫЛДЫ) ҒЫЛЫМ ТУРАЛЫ 09.07.01 Ж. № 225-II ...

Ғылым туралы
2001 ж. 9 шілдедегі № 225-II Қазақстан Республикасының Заңы

(2007.27.07. берілген өзгерістер мен толықтыруларымен)

Осы редакция 2011 жылғы 1 наурызда енгізілген өзгерістеріне дейін қолданылды

ҚР 2011 жылғы 8 ақпандағы № 407-IV Заңымен күші жойылды

Түпнұсқада мазмұны жоқ

Осы Заң ғылым және ғылыми-техникалық қызмет саласындағы қоғамдық қатынастарды реттейдi, ғылыми және ғылыми-техникалық сала субъектiлерiнiң құқықтары мен мiндеттерiн айқындайды.

1-тарау. Жалпы ережелер

2007.27.07. № 320-III ҚР Заңымен 1-бап өзгертілді (2011 жылғы 1 қаңтардан бастап қолданысқа енді) (бұр.ред.қара)

1-бап. Осы Заңда пайдаланылатын негiзгi ұғымдар

Осы Заңда мынадай негiзгi ұғымдар пайдаланылады:

1) ғылым - табиғат, қоғам және ойлау заңдарын зерделеу, табиғи байлықтарды ұтымды пайдалану және қоғамды тиiмдi басқару мақсатында болмыс туралы объективтi білім-біліктi тұжырымдау және теориялық жағынан жүйелеу функциясы болып табылатын адам қызметiнiң саласы;

2) мемлекеттік ғылыми-техникалық саясат - әлеуметтiк-экономикалық саясаттың құрамдас бөлiгi, ол мемлекеттiң ғылыми және ғылыми-техникалық қызметке қатынасын бiлдiредi, әртүрлi ұйымдардың ғылым мен техника ғылыми-техникалық жетiстiктердi іске асыру, жаңа технологиялар жасау саласындағы, оның iшiнде ұлттық қауiпсiздiктi қамтамасыз ету мақсатындағы қызметiнiң негiзгi мақсаттарын, бағыттарын, принциптерiн, нысандары мен әдiстерiн белгiлейдi;