(БҰРЫНҒЫ РЕДАКЦИЯ) ҚР ҮКІМЕТІНІҢ 2009.26.10 № 1669 ҚАУЛЫСЫ

«Тұрғылықты жерінен мекен-жай анықтамаларын беру» мемлекеттік қызмет көрсету стандартын бекіту туралы
Қазақстан Республикасы Үкіметінің 2009 жылғы 26 қазандағы № 1669 Қаулысы

Осы редакция 2010 жылғы 21 қазанда енгізілген өзгерістеріне дейін қолданылды

2008 жылғы 4 желтоқсандағы Қазақстан Республикасының Бюджет кодексі 34-бабының 2-тармағына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған «Тұрғылықты жерінен мекен-жай анықтамаларын беру» мемлекеттік қызмет көрсету стандарты бекітілсін.

2. Осы қаулы алғаш рет ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Үкіметінің

2009 жылғы 26 қазандағы

№ 1669 қаулысымен

бекітілген

«Тұрғылықты жерінен мекен-жай анықтамаларын беру»

мемлекеттік қызмет көрсету стандарты

1. Жалпы ережелер

1. Осы «Тұрғылықты жерінен мекен-жай анықтамаларын беру» мемлекеттік қызмет көрсету стандарты (бұдан әрі - стандарт) Қазақстан Республикасының жеке және заңды тұлғаларына, шетелдіктер мен азаматтығы жоқ адамдарға мекен-жай анықтамаларын беру жөнінде мемлекеттік қызмет көрсету (бұдан әрі - мемлекеттік қызмет) тәртібін айқындайды.

2. Көрсетілетін мемлекеттік қызмет нысаны ішінара автоматтандырылған. Қызмет автоматтандырылған ақпараттық жүйені (бұдан әрі - ААЖ) де, әліпби-анықтамалық картотеканы да пайдалана отырып көрсетіледі.

3. Мемлекеттік қызмет Қазақстан Республикасы Үкіметінің «Жеке және заңды тұлғаларға көрсетілетін мемлекеттік қызметтердің тізілімін бекіту туралы» 2007 жылғы 30 маусымдағы № 561, «Қазақстан Республикасы Әділет министрлігінің мемлекеттік мекемелерін - халыққа қызмет көрсету орталықтарын құру туралы» 2007 жылғы 5 қаңтардағы № 1 қаулыларының, Қазақстан Республикасы Ішкі істер министрінің 1995 жылғы 10 шілдедегі № 169 бұйрығымен бекітілген Ішкі істер органдарының мекен-жай-анықтама жұмысы жөніндегі нұсқаулықтың негізінде жүзеге асырылады.