«Жекелеген мемлекеттік мекемелерді коммуналдық меншіктен республикалық меншікке беру туралы» Қазақстан Республикасы Үкіметінің 2010 жылғы 28 қаңтардағы № 30 Қаулысы (2010.17.11. берілген өзгерістермен)

Жекелеген мемлекеттік мекемелерді коммуналдық меншіктен республикалық меншікке беру туралы
Қазақстан Республикасы Үкіметінің 2010 жылғы 28 қаңтардағы № 30 Қаулысы

(2010.17.11. берілген өзгерістермен)

Табиғи және техногендік сипаттағы төтенше жағдайлар кезінде шұғыл медициналық көмек көрсетудің бірыңғай жүйесін құру мақсатында Қазақстан Республикасының Үкіметі ҚАУЛЫ ЕТЕДІ:

1. Осы қаулының 1-қосымшасына сәйкес коммуналдық меншіктен берілетін мемлекеттік мекемелер заңнамада белгіленген тәртіппен мүліктік кешендер ретінде республикалық меншікке қабылдансын және олар Қазақстан Республикасы Төтенше жағдайлар министрлігінің қарамағына берілсін.

2. Осы қаулының 2-қосымшасына сәйкес мемлекеттік мекемелер қайта аталсын.

3. Осы қаулының 3-қосымшасында көрсетілген мемлекеттік мекемелер оларды Қазақстан Республикасы Төтенше жағдайлар министрлігінің «Апаттар медицинасы орталығы» мемлекеттік мекемесіне қосу жолымен қайта ұйымдастырылсын.

4. Қазақстан Республикасы Төтенше жағдайлар министрлігі заңнамада белгіленген тәртіппен:

1) Қазақстан Республикасы Қаржы министрлігінің Мемлекеттік мүлік және жекешелендіру комитетімен және тиісті облыстардың, Астана қаласының әкімдіктерімен бірлесіп, осы қаулының 1-тармағынан туындайтын шараларды қабылдасын;

2) осы қаулыны іске асыру жөніндегі өзге де шараларды қабылдасын.

5. Қазақстан Республикасы Үкіметінің кейбір шешімдеріне мынадай өзгерістер енгізілсін:

1) «Министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерін бекіту туралы» Қазақстан Республикасы Үкіметінің 2008 жылғы 15 сәуірдегі № 339 қаулысында:

көрсетілген қаулымен бекітілген министрліктер мен өзге де орталық атқарушы органдардың олардың аумақтық органдарындағы және оларға ведомстволық бағыныстағы мемлекеттік мекемелердегі адам санын ескере отырып, штат санының лимиттерінде:

реттік нөмірі 3-жолда: