(БҰРЫНҒЫ РЕДАКЦИЯ) 2004 Ж. 13 ҚАҢТАРДАҒЫ № 522-II ҚР ЗАҢЫ

Дәрiлiк заттар туралы Қазақстан Республикасының
2004 жылғы 13 қаңтардағы № 522-ІІ Заңы

(2007.27.07. берілген өзгерістер мен толықтырулармен)

Осы редакция 2008 жылғы 4 желтоқсандағы енгізілген өзгерістеріне дейін қолданылды

1-тарау. Жалпы ережелер                           (1 - 3 баптар)

2-тарау. Дәрілік заттар айналымы саласындағы      (4 - 14 баптар)

         қатынастарды мемлекеттік реттеу

3-тарау. Азаматтардың дәрілік заттар айналымы     (15 - 16 баптар)

         саласындағы құқықтары мен міндеттері

4-тарау. Дәрілік заттарды әзірлеу, зерттеу        (17 - 21 баптар)

         және (немесе) сынау

5-тарау. Дәрілік заттардың айналымы               (22 - 32 баптар)

6-тарау. Қорытынды ережелер                       (33 - 35 баптар)

Осы Заң дәрiлiк заттар, медициналық техника және медициналық мақсаттағы бұйымдар айналымы саласындағы қоғамдық қатынастарды реттейдi, Қазақстан Республикасының халқын қауiпсiз, тиiмдi және сапалы дәрiлiк көмекпен қамтамасыз етудiң құқықтық және ұйымдық негiздерiн айқындайды.

Қазақстан Республикасында бақылауға жататын, құрамында есiрткi, психотроптық заттар және прекурсорлар бар дәрiлiк заттар айналымының ерекшелiктерi Қазақстан Республикасының тиiстi нормативтiк құқықтық актілерімен реттеледi.

1-тарау. Жалпы ережелер

2006.07.07. № 171-III ҚР Заңымен 1-бап өзгертілді (бұр. ред. қара); 2006.29.12. № 209-III ҚР Заңымен 1-бап жаңа редакцияда (бұр.ред.қара)

1-бап. Осы Заңда пайдаланылатын негізгі ұғымдар

Осы Заңда мынадай негізгі ұғымдар пайдаланылады:

1) биологиялық белсенді заттар - жануарлар мен адам ағзасының физиологиялық функцияларының өзгеруіне әкелетін және дәрілік заттар алудың ықтимал көздері болып табылатын әртүрлі тектегі заттар;