«Қазақстан Республикасында медициналық-генетикалық консультациялардың (бөлімшелердің) қызметі туралы ережені бекіту туралы» Қазақстан Республикасы Денсаулық сақтау министрі міндетін атқарушының 2008 жылғы 7 наурыздағы №125 бұйрығы (күші жойылды)

Қазақстан Республикасында медициналық-генетикалық консультациялардың
(бөлімшелердің) қызметі туралы ережені бекіту туралы
Қазақстан Республикасы Денсаулық сақтау министрі міндетін атқарушының
2008 жылғы 7 наурыздағы №125 бұйрығы

ҚР Денсаулық сақтау министрлігінің 2010 жылғы 9 қыркүйектегі № 704 бұйрығымен күші жойылды

«Денсаулық сақтау жүйесі туралы» Қазақстан Республикасы Заңының 7-бабының 14) тармақшасына сәйкес, соңцай-ақ Қазақстан Республикасында медициналық-генетикалық консультациялардың (бөлімшелердің) қызметін жетілдіру мақсатында БҰЙЫРАМЫН:

1. Осы бұйрыққа қосымшаға сәйкес Қазақстан Республикасында медициналық-генетикалық консультациялардың (бөлімшелердің) қызметі туралы ереже бекітілсін.

2. Емдеу-алдын алу ісі департаменті (Исмаилов Ж.Қ.) осы бұйрықты Қазақстан Республикасы Әділет министрлігіне мемлекеттік тіркеуге жіберсін.

3. Ұйымдастыру-құқықтық қамтамасыз ету департаменті (Мұхамеджанов Ж.М.) осы бұйрық мемлекеттік тіркелгеннен кейін ресми бұқаралық ақпарат құралдарыңда оны жариялауды қамтамасыз етсін.

4. Облыстардың, Астана және Алматы қалалары денсаулық сақтау департаменттерінің басшылары (келісім бойынша) медициналық-генетикалық консультациялардың (бөлімшелердің) осы бұйрыққа сәйкес жұмыс істеуін қамтамасыз етсін.

5. Осы бұйрықтың орындалуын бақылау Қазақстан Республикасының Денсаулық сақтау вице-министрі Қ.Т. Омаровқа жүктелсін.

6. Осы бұйрық алғаш ресми жарияланған күнінен соң он күн өткеннен кейін қолданысқа енгізіледі.

Қазақстан Республикасы

Денсаулық сақтау министрінің

2008 жылғы 7 наурыздағы

№125 бұйрығымен

бекітілген

Қазақстан Республикасындағы медициналық-генетикалық кеңес беру

(бөлімшелерінің) қызметі туралы ереже

1. Жалпы ережелер

1. Осы Ереже Қазақстан Республикасындағы медициналық-генетикалық кеңес беру (бөлімшелерінің) (бұдан әрі - МГК) қызметін ұйымдастыруды анықтайды.