(БҰРЫНҒЫ РЕДАКЦИЯ) ҚР ҮКІМЕТІНІҢ 1999 Ж. 28 ҚЫРКҮЙЕКТЕГІ № 1469 ҚАУЛЫСЫ

Республикада медициналық білім беруді одан әрі жетілдіру жөніндегі
шаралар туралы Қазақстан Республикасы Үкіметінің
1999 жылғы 28 қыркүйектегі № 1469 қаулысы

(2006.06.01. берілген өзгерістер мен толықтырулармен)

Осы редакция 2006 ж. 13 маусымдағы енгізілген өзгерістеріне дейін қолданылды

ҚР Үкіметінің 2006.06.01. № 16 қаулысымен кіріспе өзгертілді (бұр.ред.қара)

"Білім туралы" Қазақстан Республикасының 1999 жылғы 7 маусымдағы Заңына сәйкес және Қазақстан Республикасы Президентінің 2004 жылғы 13 қыркүйектегі № 1438 Жарлығымен бекітілген Қазақстан Республикасының денсаулық сақтау ісін реформалау мен дамытудың 2005-2010 жылдарға арналған мемлекеттік бағдарламасының талаптарын iске асыру мақсатында республикада медициналық білім берудi одан әрi жетiлдiру жөнiнде Қазақстан Республикасы Үкіметі ҚАУЛЫ ЕТЕДІ:

ҚР Үкіметінің 2006.06.01. № 16 қаулысымен мәтін өзгертілді (бұр.ред.қара)

ҚР Үкіметінің 23.04.03 ж. № 385 (бұр. ред. қара); 2006.06.01. № 16 (бұр.ред.қара) қаулыларымен 1-тармақ өзгертілді

1. Қазақстан Республикасы Денсаулық сақтау министрлігінiң қоса берiлiп отырған тiзбеге сәйкес ауруханаларды, емханаларды және отбасылық дәрiгерлiк амбулаторияларды мемлекеттік жоғары медициналық білім беру ұйымдарының клиникалық базасы ретiнде айқындау жөніндегі ұсынысы қабылдансын.

Клиникалық базалар мемлекеттік жоғары медициналық білім беру ұйымдарына жалдау ақысын алмай-ақ және коммуналдық төлемдер өтелмей беріледi.

2. Қазақстан Республикасының Денсаулық сақтау министрлігі белгiленген тәртiппен:

Ақтөбе, Қарағанды, Шығыс Қазақстан, Оңтүстiк Қазақстан облыстарының, Астана және Алматы қалаларының әкiмдерiмен келісім бойынша клиникалық базалар туралы ереженi;

интернатура туралы ереженi бекiтсiн.

ҚР Үкіметінің 2006.06.01. № 16 қаулысымен 3-тармақ өзгертілді (бұр.ред.қара)

3. Қазақстан Республикасының Денсаулық сақтау министрлігі: