(БҰРЫНҒЫ РЕДАКЦИЯ) «АЗАМАТТАРДЫҢ МЕМЛЕКЕТТІК ТҰРҒЫН ҮЙ ҚОРЫНАН ТҰРҒЫН Ү...

Азаматтардың мемлекеттік тұрғын үй қорынан тұрғын үй-жайларды жекешелендіру жөніндегі заңнаманы қолдану сот практикасы туралы
Қазақстан Республикасы Жоғарғы Сотының 1997 жылғы 18 шiлдедегi № 9 Нормативтік қаулысы

(2015.10.04. берілген өзгерістер мен толықтырулармен)

Осы редакция 2018 жылғы 20 сәуірде енгізілген өзгерістеріне дейін қолданылды

ҚР Жоғарғы сотының 18.06.04 ж. № 8 нормативтік қаулысымен тақырыбы мен кіріспе өзгертілді; ҚР Жоғарғы Сотының 2015.10.04. № 2 Нормативтік қаулысымен тақырыбы жаңа редакцияда (бұр.ред.қара)

Мемлекеттік тұрғын үй қорын жекешелендiруден шығатын дауларды шешу кезiнде соттардың заңдарды қолдану тәжiрибесiнде туындайтын кейбір мәселелердiң түсiнiксiздiгiн атай келiп, Қазақстан Республикасы Жоғарғы Сотының жалпы отырысы соттарға мынадай түсiндiрулер беруге қаулы етедi:

ҚР Жоғарғы сотының 18.06.04 ж. № 8 нормативтік қаулысымен ; ҚР Жоғарғы Сотының 2015.10.04. № 2 Нормативтік қаулысымен (бұр.ред.қара) 1-тармақ өзгертілді

1. Қазақстан Республикасының Конституциясы, Қазақстан Республикасының Азаматтық кодексі (бұдан әрі - АК), «Тұрғын үй қатынастары туралы» Қазақстан Республикасының Заңы (бұдан әрі - Заң), «Мемлекеттік мүлік туралы» Қазақстан Республикасының Заңы, сондай-ақ заңға тәуелді мынадай нормативтік актілер: Қазақстан Республикасы Үкіметінің 2011 жылғы 1 маусымдағы № 616 қаулысымен бекітілген Мемлекеттік заңды тұлғаларға бекітіліп берілген мемлекеттік мүлікті мемлекеттік меншіктің бір түрінен екіншісіне беру қағидасы, Қазақстан Республикасы Үкіметінің 2013 жылғы 2 шілдедегі № 673 қаулысымен бекітілген Мемлекеттік тұрғын үй қорынан берілетін тұрғын үйлерді жекешелендіру қағидалары (бұдан әрі - Жекешелендіру қағидалары), Қазақстан Республикасы Үкіметінің 2012 жылғы 28 тамыздағы № 1091 қаулысымен бекітілген Әскери қызметшілерді тұрғын үймен қамтамасыз ету қағидалары және басқалары қазіргі кезде тұрғын үйді жекешелендіру тәртібін регламенттейтін негізгі заңнамалық актілер болып табылады.