(БҰРЫНҒЫ РЕДАКЦИЯ)

Қазақстан Республикасы Экономика және бюджеттiк жоспарлау министрлiгiнiң

кейбiр мәселелерi Қазақстан Республикасы Үкіметінің

2003 ж. 20 тамыздағы N 837 қаулысы

Осы редакция 2004 ж. 28 қазандағы енгізілген өзгерістеріне дейін қолданылды

Қазақстан Республикасы Президентiнiң "Қазақстан Республикасының мемлекеттiк басқару жүйесiн одан әрi жетiлдiру шаралары туралы" 2002 жылғы 28 тамыздағы N 931 Жарлығының 3-тармағының 5) тармақшасына сәйкес Қазақстан Республикасының Үкiметi қаулы етеді:

1. Қазақстан Республикасы Үкiметiнiң кейбiр шешiмдерiне мынадай өзгерiстер мен толықтырулар енгiзiлсiн:

1) "Қазақстан Республикасы Президентiнiң 1995 жылғы 17 сәуiрдегi N 2201 қаулысын жүзеге асыру туралы" Қазақстан Республикасы Үкiметінің 1995 жылғы 29 желтоқсандағы N 1894 қаулысы (Қазақстан Республикасының ПҮКЖ-ы, 1995 ж., N 41, 515-құжат) мынадай мазмұндағы 1-1-тармақпен толықтырылсын:

"1-1. Қазақстан Республикасының Экономика және бюджеттік жоспарлау министрлігі лицензиялау жүйесiн жетiлдiру саласындағы мемлекеттiк үйлестiрушi орган болып белгіленсiн";

2) "Республикалық мемлекеттік кәсiпорындардың тiзбесi туралы" Қазақстан Республикасы Үкiметiнiң 1996 жылғы 25 маусымдағы N 790 қаулысына (Қазақстан Республикасының ПҮКЖ-ы, 1996 ж., N 29, 256-құжат) мынадай толықтырулар енгiзiлсiн:

көрсетiлген қаулымен бекiтiлген Республикалық мемлекеттiк кәсiпорындардың тiзбесiнде:

"Қазақстан Республикасының Экономика және сауда министрлiгі" деген бөлiмде:

тақырыбы мынадай редакцияда жазылсын:

 "Қазақстан Республикасының Экономика және бюджеттiк жоспарлау

 министрлігі";

 мынадай мазмұндағы реттiк нөмiрлерi 27-1, 27-2, 27-3-жолдармен

толықтырылсын:

 "27-1 Қазақстан Республикасы

 Экономика және бюджеттiк

 жоспарлау министрлiгiнiң

 Шаруашылық басқармасы"

 республикалық мемлекеттiк

 қазыналық кәсiпорны Астана қаласы

 27-2 "Экономикалық зерттеулер

 институты" республикалық

 мемлекеттiк кәсiпорны Алматы қаласы

 27-3 "Арнайы бағдарламалардың

 ғылыми-әдiстемелiк орталығы"

 республикалық мемлекеттiк

 қазыналық кәсiпорны Астана қаласы";