(БҰРЫНҒЫ РЕДАКЦИЯ)

Тауарлар мен көлiк құралдарын кедендiк ресiмдеудiң кейбiр мәселелерi

Мемлекеттік кіріс министрлігі Кеден комитеті төрағасының

2001 жылғы 15 ақпандағы N 51 бұйрығы

Осы редакция ҚР Кедендік бақылау агенттігінің 2002 жылғы 26 желтоқсандағы N 160 бұйрығымен енгізілген өзгерістеріне дейін қолданылды

"Қазақстан Республикасындағы кеден iсi туралы" Қазақстан Республикасының Заңына сәйкес БҰЙЫРАМЫН:

 1. Қоса берiлiп отырған:

 Ішкi кедендiк транзиттің рәсiмдерi туралы нұсқаулық;

Кедендiк брокерлердiң тауарлар мен көлiк құралдарын кедендiк ресiмдеу жөнiндегi операциялардың есебiн жүргiзудің және ол бойынша есептiлiктiң тәртiбi;

Жүксiз шетелдiк автокөлiк құралдарын әкелудi куәландыруды ресiмдеудiң тәртiбi;

Тауарлардың кедендiк бақылаумен әкелiнетiндiгiн растау туралы куәлiктi ресiмдеудiң тәртiбi;

Кеден мөрлерi және пломбылары бар тауарларды тасымалдау үшiн көлiк құралдарын (контейнерлердi) жабдықтау және жіберу тәртiбi жөнiндегi осы нұсқаулық;

ХЖТ кiтапшаларын қолдану арқылы Жүктердi халықаралық тасымалдау туралы кедендiк конвенцияны қолданудың тәртiбi;

Экспортталатын тауарларды уақытша декларациялау рәсiмдерiн пайдалана отырып кедендiк ресiмдеудiң тәртiбi;

Қазақстан Республикасының кедендiк шекарасы арқылы құбыр желiсi көлiгiмен және электр беру желiлерi бойынша өткiзiлетiн тауарларды кедендiк ресiмдеудің тәртiбi;

Тәуелсiз Мемлекеттер Достастығына қатысушы мемлекеттердiң өндiрiстiк кооперациялар кәсiпорынының және салаларының дамуын қолдаудың жалпы шарттары мен тетiгi туралы Келiсiмге сәйкес тауарларды Қазақстан Республикасының кедендiк шекарасы арқылы өткiзудiң тәртiбi.

2. Құқықтық қамтамасыз ету басқармасы (Г.Ә. Мұхамедиева) осы бұйрықтың мемлекеттiк тiркелуiн қамтамасыз етсiн.

3. Баспасөз қызметi (Б.Т. Омарәлиев) осы бұйрықтың бұқаралық ақпарат құралдарында жариялануын қамтамасыз етсiн.