(БҰРЫНҒЫ РЕДАКЦИЯ) ҚР БІЛІМ ЖӘНЕ ҒЫЛЫМ МИНИСТРІНІҢ 2015.16.04 № 212 ...

Осы редакция 2016 жылғы 27 қаңтарда енгізілген өзгерістеріне дейін қолданылды

Қазақстан Республикасы

Білім және ғылым министрінің

2015 жылғы 16 сәуірдегі

№ 212 бұйрығына

1-қосымша

«Қазақстан Республикасының білім, ғылым органдарынан және оқу орындарынан шығатын ресми құжаттарға апостиль қою»

мемлекеттік көрсетілетін қызмет стандарты

1. Жалпы ережелер

1.«Қазақстан Республикасының білім, ғылым органдарынан және оқу орындарынан шығатын ресми құжаттарға апостиль қою» мемлекеттік көрсетілетін қызметі (бұдан әрі - мемлекеттік көрсетілетін қызмет).

2. Мемлекеттік көрсетілетін қызмет стандартын Қазақстан Республикасы Білім және ғылым министрлігі (бұдан әрі - Министрлік) әзірлеген.

3. Мемлекеттік көрсетілетін қызметті Қазақстан Республикасы Білім және ғылым министрлігінің Білім және ғылым саласындағы бақылау комитеті (бұдан әрі - көрсетілетін қызметті беруші) көрсетеді.

Мемлекеттік қызметті көрсетуге өтініштерді қабылдау және нәтижесін беру:

Қазақстан Республикасы Инвестициялар және даму министрлігі Байланыс, ақпараттандыру және байланыс комитетінің республикалық мемлекеттік кәсіпорны құқығындағы «Халыққа қызмет көрсету орталығы» (бұдан әрі - ХҚО) арқылы;

«Электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік қызмет көрсету тәртібі

4. Көрсетілетін қызметті берушіге құжаттар топтамасын тапсырған сәттен бастап мемлекеттік қызметті көрсету мерзімдері:

Астана қаласының ХҚО және портал үшін 5 (бес) жұмыс күні;

Басқа аймақтардағы ХҚО үшін - 30 (отыз) күнтізбелік күн.

ХҚО құжатты қабылдаған күн, пошта байланысы көрсетілетін мерзімге енбейді.

2) ХҚО құжаттар топтамасын тапсыру кезінде кезек күтудің барынша рұқсат етілген уақыты - 15 минут;

3) ХҚО көрсетілетін қызметті алушыға қызмет көрсетудің барынша рұқсат етілген уақыты - 15 минут.

5. Мемлекеттік қызмет көрсету нысаны: электронды (ішінара автоматтандырылған) және қағаз түрінде.

6. Мемлекеттік қызмет көрсету нәтижесі: