1995 жылғы 20 қаңтардағы Қазақстан Республикасы мен Ресей Федерациясы арасындағы Сары-Шаған сынақ полигонын пайдалану мен жалға беру шарттары және Приозерск қаласының тіршілік әрекетін қамтамасыз ету туралы келісімге өзгерістер мен толықтырулар енгізу туралы хаттама (Мәскеу қ., 2015 жылғы 16 сәуірде)

1995 жылғы 20 қаңтардағы Қазақстан Республикасы мен Ресей Федерациясы арасындағы Сары-Шаған сынақ полигонын пайдалану мен жалға беру шарттары және Приозерск қаласының тіршілік әрекетін қамтамасыз ету туралы
келісімге өзгерістер мен толықтырулар енгізу туралы
хаттама
(Мәскеу қ., 2015 жылғы 16 сәуірде)

ҚР 2016 жылғы 29 ақпандағы № 464-V ҚРЗ Заңымен ратификацияланды

2016 жылғы 1 сәуірде күшіне енді

Бұдан әрі Тараптар деп аталатын Қазақстан Республикасы мен Ресей Федерациясы

1995 жылғы 20 қаңтардағы Қазақстан Республикасы мен Ресей Федерациясы арасындағы Сары-Шаған сынақ полигонын пайдалану мен жалға беру шарттары және Приозерск қаласының тіршілік әрекетін қамтамасыз ету туралы келісімнің (бұдан әрі - Келісім) 25-бабын басшылыққа ала отырып,

төмендегілер туралы келісті:

1-бап

1. Келісімнің 10-бабының он екінші абзацы мынадай редакцияда жазылсын:

«Полигон қолбасшылығы Қазақстан Республикасының жергілікті атқарушы органдарымен бірлесіп, маусымдық ауыл шаруашылығы және геологиялық барлау жұмыстарын жүргізу кезінде, сондай-ақ дүлей зілзалаларды жоюда көмек көрсету кезінде Қазақстан Тарапының Полигон аумағының учаскелерін пайдалану тәртібін айқындайды.».

2. Келісімнің 15-бабы мынадай мазмұндағы абзацтармен толықтырылсын:

«Полигонның жер учаскелерін Ресей Тарапымен келісім бойынша, осы Келісімге залал келтірмей, Қазақстан Тарапының үшінші елдермен әскери және әскери-техникалық ынтымақтастығы мүдделеріне орай пайдалануға жол беріледі. Ресей Тарапы осындай пайдалану нәтижесінде туындаған теріс салдарларды жою және Қазақстан Тарапына, оның ішінде экологияға және табиғатты пайдалануға келтірілген залалды өтеу үшін жауапты болмайды.

Жекелеген жер учаскелерін пайдалану мәселелерін жоспарланған жылдың алдындағы жылғы 1 желтоқсаннан кешіктірмей Тараптардың Қорғаныс министрліктерімен келісіледі.».

3. Келісімге қосымша мынадай редакцияда жазылсын:

«1995 жылғы 20 қаңтардағы

Қазақстан Республикасы мен Ресей

Федерациясы арасындағы Сары-Шаған

сынақ полигонын пайдалану мен жалға

беру шарттары және Приозерск

қаласының тіршілік әрекетін

қамтамасыз ету туралы келісімге

ҚОСЫМША