«Бюджеттiк өтінімдi жасау және ұсыну ережесiн бекiту туралы» Қазақстан Республикасының Қаржы министрінің 2010 жылғы 19 мамырдағы № 233 бұйрығына толықтырулар мен өзгерістер енгізу туралы» Қазақстан Республикасы Қаржы министрінің 2011 жылғы 18 наурыздағы № 136 бұйрығы (күші жойылды)

«Бюджеттiк өтінімдi жасау және ұсыну ережесiн бекiту туралы» Қазақстан Республикасының Қаржы министрінің
2010 жылғы 19 мамырдағы № 233 бұйрығына толықтырулар мен өзгерістер енгізу туралы
Қазақстан Республикасы Қаржы министрінің 2011 жылғы 18 наурыздағы № 136 бұйрығы

ҚР Қаржы министрінің м.а. 2012 жылғы 29 желтоқсандағы № 584 бұйрығымен күші жойылды

Қазақстан Республикасының 2008 жылғы 4 желтоқсандығы Бюджет кодексінің 67-бабының 13- тармағына сәйкес БҰЙЫРАМЫН:

1. «Бюджеттiк өтінімдi жасау және ұсыну ережесiн бекiту туралы» Қазақстан Республикасы Қаржы министрінің 2010 жылғы 19 мамырдағы № 233 бұйрығына (Нормативтік құқықтық актілерді мемлекеттік тіркеу тізілімінде № 6289 болып тіркелген) мынадай өзгерістер енгізілсін:

көрсетілген бұйрықпен бекітілген Бюджеттік өтінімді жасау және ұсыну ережесінде:

мынадай мазмұндағы 25-1-тармақпен толтырылсын:

«25-1. Шығындардың экономикалық сыныптамасының әрбір ерекшелігі бойынша қосымша егжей-тегжелей есептеріне және шығында турлері бойынша негіздемеге орталық атқарушы органның жауапты хатшысы (белгіленген тәртіппен орталық атқарушы органның жауапты хатшысының өкілеттіктері жүктелген лауазымды тұлға), ал мұндай болмаған жағдайда - мемлекеттік мекеменің басшысы немесе ол өкілеттік берген тұлға, олардың жасалуына жауапты мемлекеттік мекеменің құрылымдық бөлімшесінің басшысы, ал соңғылары болмаған кезде тиісті бұйрықтармен міндеттерді атқару жүктелген тұлғалар және қаржы-экономиқалық қызметінің бастығы қол қояды.»;

мынадай мазмұндағы 27-1-тармақпен толтырылсын:

«27-1. Қосымша ақшалай төлемдердің есебі 01-112 нысан (16-1-қосымша) бойынша жасалады».