"Есiрткiге тәуелдi адамдарды әлеуметтік-психологиялық оңалту орталығы"
акционерлік қоғамын құру туралы Қазақстан Республикасы Үкіметінің 2004
жылғы 7 желтоқсандағы № 1279 қаулысы

Қазақстан Республикасы Үкіметінiң 2004 жылғы 13 сәуірдегі № 411 қаулысымен бекітілген Қазақстан Республикасында нашақорлыққа және eciрткі бизнесiне қарсы күрестің 2004-2005 жылдарға арналған бағдарламасын iске асыру мақсатында, "Акционерлік қоғамдар туралы" Қазақстан Республикасының 2003 жылғы 13 мамырдағы Заңын басшылыққа ала отырып, Қазақстан Республикасының Үкіметі ҚАУЛЫ ЕТЕДI:

1. Жарғылық капиталына мемлекет 100 пайыз қатысатын "Есiрткiге тәуелдi адамдарды әлеуметтiк-психологиялық оңалту орталығы" акционерлік қоғамы (бұдан әрі - Қоғам) құрылсын.

2. Қоғам қызметiнің негізгi мәнi есiрткiге тәуелдi адамдарды әлеуметтiк оңалтуды жүзеге асыру, есiрткiнi терiс пайдаланудың алдын алу болып белгiленсiн.

3. Қазақстан Республикасы Қаржы министрлігінiң Мемлекеттік мүлiк және жекешелендiру комитеті Қазақстан Республикасы Iшкi iстер министрлігінiң Есiрткi бизнесіне қарсы күрес және есiрткi айналымын бақылау жөнiндегі комитетiмен бiрлесiп, заңнамада белгіленген тәртiппен:

1) Қоғамның құрылтайшы төлейтін 45950000 (қырық бес миллион тоғыз жүз елу мың) теңге, оның iшiнде 35640750 (отыз бес миллион алты жүз қырық мың жетi жүз елу) теңге мөлшеріндегі жарғылық капиталын Қазақстан Республикасы Үкіметінiң 2004 жылғы 13 сәуірдегі № 411 қаулысымен бекітілген Қазақстан Республикасында нашақорлыққа және есiрткi бизнесіне қарсы күрестiң 2004-2005 жылдарға арналған бағдарламасында көзделген республикалық бюджет есебiнен қалыптастыруды;

2) Қоғамды әділет органдарында мемлекеттік тiркеудi және Қоғамның жарғысын бекiтудi қамтамасыз етсiн;

3) осы қаулыдан туындайтын өзге де шараларды қабылдасын.

4. Қазақстан Республикасы Қаржы министрлігінiң Мемлекеттік мүлiк және жекешелендiру комитеті белгіленген тәртiппен Қазақстан Республикасы Iшкi iстер министрлігінiң Есiрткi бизнесiне қарсы күрес және есiрткi айналымын бақылау жөніндегі комитетiне Қоғам акцияларының мемлекеттік пакетiне иелік ету және оны пайдалану құқықтарын берсiн.

5. Қазақстан Республикасы ?кіметінiң кейбір шешiмдерiне мынадай толықтырулар енгізілсін:

1) "Акциялардың мемлекеттік пакеттерiне мемлекеттік меншiктiң түрлері және ұйымдарға қатысудың мемлекеттік үлестерi туралы" Қазақстан Республикасы Үкіметінің 1999 жылғы 12 сәуірдегі № 405 қаулысында (Қазақстан Республикасының ПYКЖ-ы, 1999 ж., № 13, 124-құжат):

көрсетiлген қаулымен бекiтілген Акцияларының мемлекеттік пакеттерi мен үлестерi республикалық меншiкке жатқызылған акционерлік қоғамдар мен шаруашылық серiктестiктердiң тiзбесiнде:

"Ақмола облысы" деген бөлiм мынадай мазмұндағы реттік нөмiрi 13-8-жолмен толықтырылсын:

"13-8 "Есiрткiге тәуелдi адамдарды әлеуметтік-психологиялық оңалту орталығы" АҚ";

2) "Республикалық меншiктегi ұйымдар акцияларының мемлекеттік пакеттерi мен мемлекеттік үлестерiне иелiк ету және пайдалану жөніндегі құқықтарды беру туралы" Қазақстан Республикасы Үкіметінiң 1999 жылғы 27 мамырдағы № 659 қаулысында:

көрсетiлген қаулының қосымшасында:

"Қазақстан Республикасының Iшкi iстер министрлігіне" деген бөлiм мынадай мазмұндағы реттік нөмiрi 266-4-жолмен толықтырылсын:

"266-4 "Есiрткiге тәуелдi адамдарды әлеуметтік-психологиялық оңалту орталығы" АҚ".

6. Осы қаулы қол қойылған күнінен бастап күшiне енедi.

Қазақстан Республикасының