Арнаулы әлеуметтік қызметті ұсыну жөніндегі қызметті лицензиялау ережесін және осы қызметке қойылатын біліктілік талаптарын бекіту туралы
Қазақстан Республикасы Үкіметінің 2009 жылғы 16 наурыздағы № 336 Қаулысы

ҚР Үкіметінің 2012 жылғы 19 қаңтардағы № 124 Қаулысымен күші жойылды

Қазақстан Республикасының «Лицензиялау туралы» 2007 жылғы 11 қаңтардағы және «Арнаулы әлеуметтік қызметтер туралы» 2008 жылғы 29 желтоқсандағы заңдарына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған:

1) Медициналық-әлеуметтік мекемелерде (ұйымдарда) тірек-қимыл аппараты бұзылған балаларға арнаулы әлеуметтік қызметтерді ұсыну жөніндегі қызметті лицензиялау ережесі;

2) медициналық-әлеуметтік мекемелерде (ұйымдарда) тірек-қимыл аппараты бұзылған балаларға арнаулы әлеуметтік қызметтерді ұсыну жөніндегі қызметке қойылатын біліктілік талаптары;

3) Психоневрологиялық медициналық-әлеуметтік мекемелерде (ұйымдарда) мүгедектерге, оның ішінде психоневрологиялық ауытқулары бар мүгедек балаларға арнаулы әлеуметтік қызметтерді ұсыну жөніндегі қызметті лицензиялау ережесі;

4) психоневрологиялық медициналық-әлеуметтік мекемелерде (ұйымдарда) мүгедектерге, оның ішінде психоневрологиялық ауытқулары бар мүгедек балаларға арнаулы әлеуметтік қызметтерді ұсыну жөніндегі қызметке қойылатын біліктілік талаптары;

5) Жалпы үлгідегі медициналық-әлеуметтік мекемелерде (ұйымдарда) қарттар мен мүгедектерге арнаулы әлеуметтік қызметтерді ұсыну жөніндегі қызметті лицензиялау ережесі;

6) жалпы үлгідегі медициналық-әлеуметтік мекемелерде (ұйымдарда) қарттар мен мүгедектерге арнаулы әлеуметтік қызметтерді ұсыну жөніндегі қызметке қойылатын біліктілік талаптары;

7) Күндіз емделетін аумақтық орталықтарда қарттарға, мүгедектерге, оның ішінде мүгедек балаларға арнаулы әлеуметтік қызметтерді ұсыну жөніндегі қызметті лицензиялау ережесі;

8) күндіз емделетін аумақтық орталықтарда қарттарға, мүгедектерге, оның ішінде мүгедек балаларға арнаулы әлеуметтік қызметтерді ұсыну жөніндегі қызметке қойылатын біліктілік талаптары;

9) Оңалту орталықтарында қарттарға, мүгедектерге, оның ішінде мүгедек балаларға арнаулы әлеуметтік қызметтерді ұсыну жөніндегі қызметті лицензиялау ережесі;

10) оңалту орталықтарында қарттарға, мүгедектерге, оның ішінде мүгедек балаларға арнаулы әлеуметтік қызметтерді ұсыну жөніндегі қызметке қойылатын біліктілік талаптары;

11) Қарттарға, мүгедектерге, оның ішінде мүгедек балаларға үйде күндіз күтім жасалатын арнаулы әлеуметтік қызметтерді ұсыну жөніндегі қызметті лицензиялау ережесі;

12) қарттарға, мүгедектерге, оның ішінде мүгедек балаларға үйде күндіз күтім жасалатын арнаулы әлеуметтік қызметтерді ұсыну жөніндегі қызметке қойылатын біліктілік талаптары бекітілсін.

2. «Мемлекеттік медициналық-әлеуметтік мекемелерде және мемлекеттік емес медициналық-әлеуметтік ұйымдарда әлеуметтік қызмет көрсетуді ұсыну жөніндегі қызметті лицензиялау ережесін және осы қызметке қойылатын біліктілік талаптарын бекіту туралы» Қазақстан Республикасы Үкіметінің 2007 жылғы 6 маусымдағы № 466 қаулысының (Қазақстан Республикасының ПҮАЖ-ы, 2007 ж., № 18, 207-құжат) күші жойылды деп танылсын.

3. Осы қаулы ресми жарияланғаннан кейін жиырма бір күнтізбелік күн өткен соң қолданысқа енгізіледі.