(БҰРЫНҒЫ РЕДАКЦИЯ)

Қазақстан Республикасы Үкiметiнiң адамды сатуға қарсы күрес, қылмысты

болдырмау және оның алдын алу жөнiндегі 2004-2005 жылдарға арналған

iс-шаралар жоспары туралы Қазақстан Республикасы Үкіметінің

2004 ж. 24 ақпандағы N 219 қаулысы

Осы редакция 2005 ж. 28 қаңтардағы енгізілген өзгерістеріне дейін қолданылды

Адамды сатуға қарсы қарсы күрес, қылмысты болдырмау және оның алдын алу жөнiндегi жұмысты қамтамасыз ету және үйлестіру мақсатында Қазақстан Республикасының Үкiметi қаулы етеді:

1. Қоса беріліп отырған Қазақстан Республикасы Үкiметiнiң адамды сатуға қарсы күрес, қылмысты болдырмау және оның алдын алу жөнiндегi 2004-2005 жылдарға арналған iс-шаралар жоспары (бұдан әрi Жоспар) бекiтілсiн.

2. Облыстардың, Астана және Алматы қалаларының әкiмдерi бiр ай мерзiмде адамды сатуға қарсы күрес, қылмысты болдырмау және оның алдын алу жөнiндегі 2004-2005 жылдарға арналған өңiрлiк жоспарларды әзiрлесiн және бекiтсiн.

3. Қазақстан Республикасының Президентiне тiкелей бағынатын және есеп беретін орталық атқарушы және мемлекеттік органдар (келiсiм бойынша), облыстардың, Астана және Алматы қалаларының әкiмдерi Жоспарда көзделген iс-шаралардың iске асырылуын қамтамасыз етсiн және Қазақстан Республикасының Әдiлет министрлiгiне жыл сайын, ағымдағы жылдың 20 шілдесi мен 20 қаңтарынан кешiктiрмей, Жоспар iс-шараларының орындалуы туралы ақпарат ұсынсын.

4. Қазақстан Республикасының Әділет министрлiгi Қазақстан Республикасының Үкiметiне жыл сайын, ағымдағы жылдың 30 шілдесi мен 30 қаңтарынан кешiктiрмей, Жоспарда көзделген iс-шаралардың орындалуы туралы жиынтық ақпарат ұсынсын.

5. Осы қаулы қол қойылған күнінен бастап күшіне енедi.

Қазақстан Республикасының

Қазақстан Республикасы

Yкіметінiң

2004 жылғы 24 ақпандағы

N 219 қаулысымен

бекiтiлген

Қазақстан Республикасы Yкiметiнiң адамды сатуға қарсы күрес,

қылмысты болдырмау және оның алдын алу жөнiндегі 2004-2005