?аза?стан Республикасы ?ділет министрлігіні? Санаткерлік меншік

Қазақстан Республикасы Әділет министрлігінің Санаткерлік меншік

құқығы жөніндегі комитетінің мәселелері Қазақстан Республикасы

Үкіметінің 2001 жылғы 29 наурыз N 411 қаулысы

Осы редакция 2004 ж. 28 қазандағы енгізілген өзгерістеріне дейін қолданылды

Қазақстан Республикасы Президентiнiң "Қазақстан Республикасындағы құқық қорғау қызметiн жетiлдiру жөнiндегi шаралар туралы" 2001 жылғы 22 қаңтардағы N 536 Жарлығына, Қазақстан Республикасы Президентiнiң "Мемлекеттiк кәсiпорын туралы" 1995 жылғы 19 маусымдағы N 2335 заң күшi бар Жарлығына сәйкес Қазақстан Республикасының Yкiметi қаулы етеді:

1. Қазақстан Республикасы Әдiлет министрлiгiнiң Санаткерлiк меншiк құқығы жөнiндегi комитетi (бұдан әрi - Комитет) оған таратылатын Қазақстан Республикасы Әдiлет министрлiгiнiң Авторлық құқық жөнiндегi комитетiнiң және Қазақстан Республикасы Әдiлет министрлiгiнiң "Қазпатент" Патенттер және тауар белгiлерi жөнiндегi республикалық мемлекеттiк кәсiпорнының мүлкi мен істерiн басқару жөнiндегi функциялары мен өкiлеттiктерi берiле отырып, құрылсын.

2. Қоса берiлiп отырған Комитет туралы ереже бекiтiлсiн.

3. Қазақстан Республикасы Әдiлет министрлiгiнiң "Қазпатент" патенттер және тауар белгiлерi жөнiндегi республикалық мемлекеттiк кәсiпорны (шарyашылық жүргiзу құқығында) қайта құру жолымен Қазақстан Республикасы Әдiлет министрлiгiнiң Санаткерлiк меншiк құқығы жөнiндегi комитетiнiң "Қазақстан патенттiк сараптама институты" республикалық мемлекеттiк қазыналық кәсiпорны (бұдан әрi - ҚПСИ) болып қайта ұйымдастырылсын.

4. Комитет ҚПСИ-дiң мемлекеттiк басқару органы, сондай-ақ оған қатысты мемлекеттiк меншiк құқығы субъектiсi функциясын жүзеге асыратын орган болып белгiленсiн.

5. ҚПСИ қызметiнiң негiзгi мәнi мыналар болып белгiленсiн: