(БҰРЫНҒЫ РЕДАКЦИЯ)

Қазақстан Республикасы мемлекеттiк органдарының, қорғанысының,

қауiпсiздiгiнiң және құқық тәртiбiн қорғаудың мұқтаждары үшін

жалпы пайдаланыстағы телекоммуникациялар желiлерiн дайындау

мен пайдаланудың ережесiн бекiту туралы Қазақстан Республикасы

Үкіметінің 2001 жылғы 31 қаңтардағы N 164 қаулысы

Осы редакция 2004 ж. 20 қазандағы енгізілген өзгерістеріне дейін қолданылды

"Байланыс туралы" Қазақстан Республикасының 1999 жылғы 18 мамырдағы Заңын және "Қазақстан Республикасы Yкiметiнiң 2000-2002 жылдарға арналған iс-қимыл бағдарламасын iске асыру жөнiндегi iс-шаралар жоспары туралы" Қазақстан Республикасы Үкiметiнiң 2000 жылғы 7 наурыздағы N 367 қаулысын iске асыру мақсатында Қазақстан Республикасының Yкiметi қаулы етеді:

1. Қоса берiлiп отырған Қазақстан Республикасы мемлекеттiк органдарының, қорғанысының, қауiпсiздiгiнiң және құқық тәртiбiн қорғаудың мұқтаждары үшiн жалпы пайдаланыстағы телекоммуникациялар желiлерiн дайындау мен пайдаланудың ережесi бекiтiлсiн.

2. Осы қаулы қол қойылған күнінен бастап күшiне енедi.

Қазақстан Республикасының

Премьер-Министрі

Қазақстан Республикасы

Yкiметінің

2001 жылғы 31 қаңтардағы

N 164 қаулысымен

БЕКIТIЛГЕН

Қазақстан Республикасы мемлекеттік органдарының,

қорғанысының, қауiпсiздігінің және құқық тәртiбiн қорғаудың

мұқтаждары үшiн жалпы пайдаланыстағы телекоммуникациялар

желiлерiн дайындау мен пайдаланудың

ЕРЕЖЕСI

 1. Жалпы қағидалар

1. Осы Ереже:

1) бейбiт уақытта, төтенше жағдайлар туындаған кезде және соғыс уақытында айрықша маңызды жұмыстар мен iс-шаралар жүргізу кезiнде мемлекеттiк органдардың, қорғаныстың, қауiпсiздiктің және құқық тәртiбiн қорғаудың мұқтаждары үшiн жалпы пайдаланыстағы телекоммуникациялар желiлерiн (бұдан әрi - ЖПТЖ) дайындау және пайдалану тәртiбiн;

2) байланыс қызметтерiн көрсетуде басымдықтар белгiлеудi;