«Жеңіл өнеркәсіптің балалар тауарларына қойылатын санитарлық-эпидемиологиялық талаптар» санитарлық-эпидемиологиялық ереже мен нормалар (ҚР Денсаулық сақтау министрлігінің 2004 жылғы 18 тамыздағы № 631 бұйрығымен бекітілген) (күші жойылды)

ҚР Денсаулық сақтау министрінің м.а. 2010 жылғы 28 қыркүйектегі № 767 Бұйрығымен күші жойылды

"Балалар мен жасөспірімдердің және

коммуналдық гигиенасы жөніндегі

санитарлық-эпидемиологиялық

ереже мен нормаларды бекіту туралы"

Қазақстан Республикасы

Денсаулық сақтау министрдің

міндетін атқарушының

2004 жылғы 18 тамыздағы

№ 631 бұйрығымен бекітілген

"Жеңіл өнеркәсіптің балалар тауарларына қойылатын
санитарлық-эпидемиологиялық талаптар"
санитарлық-эпидемиологиялық ереже мен нормалар
1. Жалпы ережелер

1. "Жеңіл өнеркәсіптің балалар тауарларына қойылатын санитарлық-эпидемиологиялық талаптар" санитарлық-эпидемиологиялық ереже мен нормалар (бұдан әрі - санитарлық ереже) іс-әрекеттері өндірілетін жеңіл өнеркәсіп тауарларының балалар түрінің жиынтығына байланысты қызмет атқаратын заңды мен жеке тұлғаларға арналған.

2. Осы санитарлық ереженің талаптарын сақтауды ұйымдардың басшылары мен жеке тұлғалар қамтамасыз етуі тиіс.

3. Осы санитарлық ережеде мынандай терминдер мен анықтамалар қолданылған:

1) балалар түр жиынындағы тауарлар - іш киімдер және төсек әбзелдері, жаялық, сулық дене жабымдары, көйлек, қысқы киім, шұлық-ұйық бұйымдары, бас киімдер, биялай, қолғап, жылдың барлық мезгілдеріне арналған аяқ киімдер;

2) маталардың ауа өткізгіштігі - ауаның мата арқылы өтетін деңгейі, оны белгілі бір қысым 5 миллиметр (бұдан әрі - мм) сынап бағанасының күшімен, белгілі бір уақыт бірлігі секунд ішінде (бұдан әрі сек), мата бетінің куб метрімен берілетін бірлігі (бұдан әрі - дм3) арқылы өтетін ауаның мөлшері арқылы анықталады;

3) ылғал тартқыштығы - матаның ауадағы су буларын сіңіретін және оны белгілі бір жағдайларда ұстап қалатын, пайыз (бұдан әрі - %) есебінде анықталатын қабілеті;

4) су сіңіргіштігі (капиллярлылығы) - іш киімге арналған материал талшықтарының бойымен тері бетіндегі ылғалды сағатына миллиметр өлшеммен (бұдан әрі - мм/сағ) тез және толық сіңіру қабілеті;