Қазақстан Республикасы Үкіметінің 2000 жылғы 12 шілдедегі № 1063 қаулысына өзгеріс пен толықтыру енгізу туралы Қазақстан Республикасы Үкіметінің 2004 жылғы 5 маусымдағы № 626 қаулысы (күші жойылды)

Қазақстан Республикасы Үкіметінiң 2000 жылғы 12 шiлдедегі № 1063 қаулысына өзгерiс пен толықтыру енгізу туралы
Қазақстан Республикасы Үкіметінің 2004 жылғы 5 маусымдағы № 626 қаулысы

ҚР Үкіметінің 2013 жылғы 26 тамыздағы № 852 Қаулысымен күші жойылды

Сайлаушылардың тiзiмiн жасаудың, дауыс берудi өткiзудiң, дауыс беру қорытындыларын айқындаудың және сайлау нәтижелерiн анықтаудың автоматтандырылған ақпараттық жүйесiн енгізу мақсатында Қазақстан Республикасының Үкіметі қаулы етеді:

1. «Қазақстан Республикасының халқын құжаттандыру және тiркеу ережесін бекіту туралы» Қазақстан Республикасы Үкіметінiң 2000 жылғы 12 шiлдедегі № 1063 қаулысына (Қазақстан Республикасының ПҮКЖ-ы, 2000 ж., № 29, 359-құжат) мынадай өзгерiс пен толықтыру енгiзiлсiн:

көрсетiлген қаулымен бекітілген Қазақстан Республикасының халқын құжаттандыру және тiркеу ережесінде:

6-тармақтың бесiншi абзацы мынадай редакцияда жазылсын:

«берiлген күнi, қолданылу мерзiмi, жеке куәлiктiң коды және штрих-коды көрсетіледi.»;

28-тармақ мынадай мазмұндағы екiншi абзацпен толықтырылсын:

«Азаматтарды тiркеу тұрақты тұрғылықты жерi бойынша, оның iшiнде тұрғын үйлерде, пәтерлерде, жатақханаларда, қонақ үйлерде, демалыс үйлерiнде, санаторийлерде, профилакторийлерде, емдеу мекемелерiнде, саяжай бау-бақша серiктестiктерi мен кооперативтерiнiң тұрғын үй құрылыстарында, интернат-үйлерiнде, тұрғын үйге бейiмделген қызметтік ғимараттарда жүзеге асырылады.».

2. Осы қаулы қол қойылған күнiнен бастап күшіне енеді.

Қазақстан Республикасының