ҚР Ұлттық Ғылым академиясының академиктерінің Қазақстан Республикасының Президенті Н.А. Назарбаевқа хаты

ҚР Ұлттық Ғылым академиясының академиктерінің
Қазақстан Республикасының Президенті Н.А. Назарбаевқа хаты

Аса кұрметті Нұрсұлтан Әбішұлы!

Әрбір мемлекет өркениеттің даму тарихындағы айрықша рөлге сенім артады, бірақ әр елдің мүмкіндіктері оның экономикалық қуатына, түрлі салалардың, қоғам-ның топтары мен жіктерінің, жекелеген азаматтардың өзара іс-қимылдарының тиімділігіне байланысты, оның езі қоғамның мақсаткерлігі немесе керісінше тиімсіз үрдістердің, қиын түйіндердің және баскалардың ұлғаюы ұғымында қатар түзейді.

Республикада Қазақстан-2030 ұзақ мерзімді стратегиясының, елдің сонғы 10 жылдағы әлеуметтік-экономикалық дамуының өзі Қазақстан жұртшылығы мен оның басшысының іске деген жұмылушылығы мен мақсаткерлігін көрсетеді.

Ғьшыми сала мен ғылыми қа-тынастар қоғамның жағдайы мен ондағы көңіл-күйді өзіне сөйкес бейнелейді. Өздерінің кәсіби ерекшеліктері бар мамандар елдегі даму тенденциясын неғұрлым өткір сезініп, соларға үн қатуы керек басқаша айтқанда, ағым-дағы жағдайлар мен оқиғаларға ғана емес, алдағы өзгерістердің де хабаршысы болуға тиіс.

Аталған феномен ел экономикасындағы техникалық жаңару үрдістері мен прогресс үшін, сондай-ақ қоғамдық қатынастарды дамыту үшін айрықша маңызды болып табылады. Себебі ғылыми саладағы жүйелі бағалаулар мен негізделген қорытындылар қоғамға тез кірігіп, нәтижелі іске керек өзгерістердің қажетті ырғағын беруге тиіс.

Дегенмен, егер ғылыми жүйе жеткілікті дамымаса және зерттеулер деңгейі өте төмен болса, онда ғылымнан аталғандай нәтиже немесе ғылыми қауымның оң реакциясын күтуге болмайды. Онда өмірде білімдері таяз жалған ғалымдар бірінші кезекке шығады. Елдің ғылыми жүйесінің күйреуі мен толық ғылыми-техникалық мешеулік соның салдары болып табылмақ.