«Этил спиртін сақтау мен өткізу (тиеп-жөнелту, қабылдап алу) қағидаларын бекіту туралы» Қазақстан Республикасы Қаржы министрінің 2015 жылғы 20 ақпандағы № 109 бұйрығына өзгерістер енгізу туралы» Қазақстан Республикасы Премьер-Министрі орынбасарының м.а. - Қаржы министрінің м.а. 2023 жылғы 28 наурыздағы № 296 бұйрығы

«Этил спиртін сақтау мен өткізу (тиеп-жөнелту, қабылдап алу) қағидаларын бекіту туралы» Қазақстан Республикасы Қаржы министрінің 2015 жылғы 20 ақпандағы № 109 бұйрығына өзгерістер енгізу туралы
Қазақстан Республикасы Премьер-Министрі орынбасарының м.а. - Қаржы министрінің м.а. 2023 жылғы 28 наурыздағы № 296 бұйрығы

БҰЙЫРАМЫН:

1. «Этил спиртін сақтау мен өткізу (тиеп-жөнелту, қабылдап алу) қағидаларын бекіту туралы» Қазақстан Республикасы Қаржы министрінің 2015 жылғы 20 ақпандағы № 109 бұйрығына (Нормативтік құқықтық актілерді мемлекеттік тіркеу тізілімінде № 10524 болып тіркелген) мынадай өзгерістер енгізілсін:

осы бұйрықпен бекітілген Этил спиртін сақтау мен өткізу (тиеп-жөнелту, қабылдап алу) қағидаларында:

18-тармақтың 1) тармақшасы мынадай редакцияда жазылсын:

«1) лауазымға тағайындау туралы бұйрықтың көшірмесі;»;

22 және 23-тармақтар алып тасталсын;

24 және 25-тармақтар мынадай редакцияда жазылсын:

«24. Этил спиртін теміржол цистернасымен өткізу (тиеп-жөнелту) уәкілетті органның аумақтық органының қызметкеріне уәкілетті адам жеке куәлігін көрсеткеннен кейін ғана жүргізіледі.

25. Этил спиртін өндірушінің орналасқан жері бойынша уәкілетті органның аумақтық органы автоцистернаның метрологиялық тексеру актісі деректерінің, (этил спиртінің құбыржолмен тасымалдау жағдайларынан басқа) дұрыстығына көз жеткізген соң этил спиртін өткізуге (тиеп-жөнелтуге) кіріседі.»;

26-тармақ алып тасталсын;