«Технологияларды коммерцияландыруға инновациялық гранттар беру қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 1 қазандағы № 365/НҚ бұйрығына өзгерістер мен толықтыру енгізу туралы» Қазақстан Республикасының Цифрлық даму, инновациялар және аэроғарыш өнеркәсібі министрінің 2021 жылғы 16 шілдедегі № 250/НҚ бұйрығы

 «Технологияларды коммерцияландыруға инновациялық гранттар беру қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 1 қазандағы № 365/НҚ бұйрығына өзгерістер мен толықтыру енгізу туралы
Қазақстан Республикасының Цифрлық даму, инновациялар және аэроғарыш өнеркәсібі министрінің 2021 жылғы 16 шілдедегі № 250/НҚ бұйрығы

БҰЙЫРАМЫН:

1. «Технологияларды коммерцияландыруға инновациялық гранттар беру қағидаларын бекіту туралы» Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 1 қазандағы № 365/НҚ бұйрығына (Нормативтік құқықтық актілерді мемлекеттік тіркеу тізілімінде № 21367 болып тіркелген) мынадай өзгерістер мен толықтыру енгізілсін:

көрсетілген бұйрықпен бекітілген Технологияларды коммерцияландыруға инновациялық гранттар беру қағидаларында:

9 және 10-тармақтар мынадай редакцияда жазылсын:

«Көрсетілетін қызметті беруші инновациялық гранттарды алуға өтінімдерді қабылдау туралы бұқаралық ақпарат құралдарында және көрсетілетін қызметті берушінің ресми интернет-ресурсында «электрондық үкіметтің» веб-порталының (бұдан әрі – Портал) мекенжайын және өтінімдерді қабылдау басталғанға дейін 15 (он бес) жұмыс күн ішінде уәкілетті органмен келісілген өтінімдерді қабылдау кестесін көрсете отырып хабарландыру орналастырады.

Уәкілетті органнын келісімі бойынша инновациялық гранттар берудің белгілі бір басым бағыттары бойынша инновациялық гранттар беруге өтінімдер Қазақстан Республикасы Цифрлық даму, инновациялар және аэроғарыш өнеркәсібі министрінің 2020 жылғы 17 қыркүйектегі № 339/НҚ (Нормативтік құқықтық актілерді мемлекеттік тіркеудің тізілімінде № 21265 болып тіркелген) бұйрығына сәйкес қабылданады.