«Теңiздегі объектілерді құруға және орналастыруға рұқсат беру» мемлекеттік көрсетілетін қызмет регламенті (Қазақстан Республикасы Энергетика министрінің 2015 жылғы 29 мамырдағы № 380 бұйрығына 2-қосымша) (2019.01.02. берілген өзгерістермен) (күші жойылды)

ҚР Энергетика министрінің 2017.28.06. № 221 бұйрығымен (бұр.ред.қара); 2019.01.02. № 33 бұйрығымен (бұр.ред.қара) мемлекеттік көрсетілетін қызмет регламенті жаңа редакцияда

Қазақстан Республикасы

Энергетика министрінің

2015 жылғы 29 мамырдағы

№ 380 бұйрығына

2-қосымша

ҚР Энергетика министрінің 2020 жылғы 10 сәуірдегі № 139 бұйрығымен күші жойылды

«Теңiздегі объектілерді құруға және орналастыруға рұқсат беру»
мемлекеттік көрсетілетін қызмет регламенті

(2019.01.02. берілген өзгерістермен)

1-тарау. Жалпы ережелер

1. «Теңiздегі объектілерді құруға және орналастыруға рұқсат беру» мемлекеттік қызметін (бұдан әрі - мемлекеттік көрсетілетін қызмет) Қазақстан Республикасы Энергетика министрлігі (бұдан әрі - көрсетілетін қызметті беруші) көрсетеді.

Өтініштерді қабылдау және мемлекеттік көрсетілетін қызмет нәтижелерін беру:

www.egov.kz, www.elicense.kz «электрондық үкімет» веб-порталы (бұдан әрі - портал) арқылы жүзеге асырылады.

2. Мемлекеттік көрсетілетін қызмет нысаны: электрондық (толықтай автоматтандырылған).

3. Мемлекеттiк көрсетілетін қызмет нәтижесi - теңiз объектілерін құрауға және орналастыруға рұқсат (бұдан әрі - рұқсат) немесе мемлекеттiк қызметтi көрсетуден бас тарту туралы дәлелдi жауап.

Мемлекеттік көрсетілетін қызмет нәтижесін ұсыну нысаны: электрондық.

2-тарау. Мемлекеттік көрсетілетін қызмет процесінде көрсетілетін қызметті берушінің құрылымдық бөлімшелерінің (қызметкерлерінің) іс-қимылы тәртібінің сипаттамасы