(БҰРЫНҒЫ РЕДАКЦИЯ) «ҚҰЖАТТАРДЫ ҚАБЫЛДАУ ЖӘНЕ ОЛАРДЫ ҚАЗАҚСТАН РЕСПУБЛИК...

Осы редакция 2018 жылғы 7 қарашада енгізілген өзгерістеріне дейін қолданылды

Қазақстан Республикасы

Сыртқы істер Министрінің

міндетін атқарушының

2015 жылғы 8 мамырдағы

№ 11-1-2/177 бұйрығына

1-қосымша

«Құжаттарды қабылдау және оларды Қазақстан Республикасының шет елдерде жүрген азаматтарына
паспорттар жасауға жіберу және олардың паспорттарына қажетті жазбалар енгізу»
мемлекеттік көрсетілетін қызмет стандарты

(2018.02.03. берілген өзгерістер мен толықтырулармен)

 «Құжаттарды қабылдау және оларды Қазақстан Республикасының шет елдерде жүрген азаматтарына паспорттар жасауға жіберу және олардың паспорттарына қажетті жазбалар енгізу» мемлекеттік көрсетілетін қызмет регламентіне қараңыз

ҚР Сыртқы істер министрінің 2018.02.03. № 11-1-4/78 бұйрығымен 1-тараудың тақырыбы жаңа редакцияда (бұр.ред.қара)

1-тарау. Жалпы ережелер

1. «Құжаттарды қабылдау және оларды Қазақстан Республикасының шет елдерде жүрген азаматтарына паспорттар жасауға жіберу және олардың паспорттарына қажетті жазбалар енгізу» мемлекеттік көрсетілетін қызметі (бұдан әрі - мемлекеттік көрсетілетін қызмет).

 2. Мемлекеттік көрсетілетін қызмет стандартын Қазақстан Республикасы Сыртқы істер министрлігі (бұдан әрі - Министрлік) әзірледі.

 3. Мемлекеттік қызметті Қазақстан Республикасының Ішкі істер министрлігі және Қазақстан Республикасының шетелдердегі мекемелері (бұдан әрі - көрсетілетін қызметті беруші) көрсетеді.

Құжаттарды қабылдау және мемлекеттік қызмет көрсету нәтижелерін беру Қазақстан Республикасының шетелдердегі мекемелері арқылы жүзеге асырылады.

ҚР Сыртқы істер министрінің 2018.02.03. № 11-1-4/78 бұйрығымен 2-тараудың тақырыбы жаңа редакцияда (бұр.ред.қара)

2-тарау. Мемлекеттiк қызметті көрсету тәртiбi

ҚР Сыртқы істер министрінің м.а. 2016.09.12. № 11-1-2/584 бұйрығымен 4-тармақ жаңа редакцияда (бұр.ред.қара)

4. Мемлекеттік қызметті көрсету мерзімі:

1) көрсетілетін қызметті берушіге құжаттар топтамасын тапсырған күннен бастап:

Қазақстан Республикасы азаматының паспортын (бұдан әрі - паспорт) ресімдеу - күнтізбелік 120 (жүз жиырма) күн;