«Қазақстан Республикасы Қаржы министрiнiң кейбiр бұйрықтарына өзгерістер енгізу туралы» Қазақстан Республикасы Қаржы министрінің 2018 жылғы 19 желтоқсандағы № 1093 бұйрығы

Қазақстан Республикасы Қаржы министрiнiң кейбiр бұйрықтарына өзгерістер енгізу туралы
Қазақстан Республикасы Қаржы министрінің 2018 жылғы 19 желтоқсандағы № 1093 бұйрығы

БҰЙЫРАМЫН:

1. «Қазақстан Республикасының Бірыңғай бюджеттік сыныптамасының кейбір мәселелері» Қазақстан Республикасы Қаржы министрінің 2014 жылғы 18 қыркүйектегі № 403 бұйрығына (Нормативтік құқықтық актілерді мемлекеттік тіркеу тізілімінде № 9756 болып тіркелген, «Әділет» ақпараттық-құқықтық жүйесінде 2014 жылғы 17 қазанда жарияланған) мынадай өзгерістер енгізілсін:

көрсетілген бұйрықпен бекітілген Қазақстан Республикасының Бірыңғай бюджеттік сыныптамасында:

бюджет түсiмдерiнiң сыныптамасында:

1 «Салықтық түсімдер» санатында:

04 «Меншiкке салынатын салықтар» сыныбында:

3 «Жер салығы» кіші сыныбында:

02 «Елдi мекендер жерлерiне алынатын жер салығы» ерекшелігі мынадай редакцияда жазылсын:

«02 Жер салығы»;

«09 Елдi мекендердің жерлерiне алынатын жер салығын қоспағанда, жер салығы» ерекшелігі алынып тасталсын;

05 «Тауарларға, жұмыстарға және қызметтерге салынатын iшкi салықтар» сыныбында:

1 «Қосылған құн салығы» кіші сыныбында:

«13 Кеден одағының бірыңғай кеден аумағы құрылғанға дейін Ресей Федерациясының және Беларусь Республикасының аумағынан шығарылатын және импортталатын тауарларға салынатын қосылған құн салығы» ерекшелігі алынып тасталсын;

2 «Акциздер» кіші сыныбында:

81 «Ресей Федерациясының және Беларусь Республикасының аумағынан әкелінетін кеден одағы тауарларынан басқа, Қазақстан Республикасының аумағына импортталатын темекі өнімдері» ерекшелігі мынадай редакцияда жазылсын:

«81 Кеден одағына мүше болып табылмайтын мемлекеттердің аумағынан әкелінетін, Қазақстан Республикасының аумағына импортталатын темекі өнімдері»;

82 «Ресей Федерациясының және Беларусь Республикасының аумағынан әкелінетін кеден одағы тауарларынан басқа, Қазақстан Республикасының аумағына импортталатын басқа да акцизделетін өнімдердің түрлері» ерекшелігі мынадай редакцияда жазылсын: